Алматы қаласы Алатау ауданы №196 жалпы білім беретін мектебінде мектеп директоры Бәтен Рүстенбекқызының басшылығымен жаңа оқу жылына дайындық және әлеуметтік қолдауды қажет ететін білім алушыларға қолдау көрсету мақсатында «Мектепке жол» республикалық қайырымдылық акциясы аясында бірқатар игі шаралар ұйымдастырылды.
Акция аясында мектеп бойынша әлеуметтік қолдауды қажет ететін білім алушылардың жағдайы зерделеніп, көмекке мұқтаж отбасылар анықталды. Бұл ретте отбасылардың әлеуметтік жағдайы, бала саны, тұрмыстық ахуалы және жаңа оқу жылына қажеттіліктері ескерілді.
Көмек алушылар қатарында көпбалалы, толық емес, асыраушысынан айырылған отбасылардың балалары, мүгедектігі бар бала тәрбиелеп отырған отбасылар, сондай-ақ материалдық және әлеуметтік қолдауды қажет ететін өзге де отбасылар қамтылды.
Акция барысында мектеп ұжымы демеушілермен бірлесіп жүйелі жұмыстар жүргізді. Жанашыр азаматтар мен сынып ұжымдарының қолдауының арқасында әлеуметтік қолдауды қажет ететін оқушыларға мектеп сөмкелері, оқу құралдары, мектеп формасы, аяқ киім және басқа да қажетті заттар табысталды. Сонымен қатар бірқатар отбасыларға қаржылай көмек көрсетілді.
Атап айтқанда, «Жалпыға бірдей міндетті білім беру қоры» есебінен 30 оқушының әрқайсысына 60 000 теңгеден қаржылай көмек берілді.
Сондай-ақ 2026 жылғы 5 тамызда асхана меңгерушілері
– Сұлтан Ерасыл Әбікенұлы мен Кабдувахит Катира Туратқызы тарапынан екі оқушыға жалпы сомасы 120 000 теңге көлемінде қаржылай көмек көрсетілді.
Бұдан бөлек, акцияға атсалысқан демеушілердің қолдауымен әлеуметтік жағдайы төмен 40 оқушыға мектепке қажетті құрал-жабдықтар, мектеп формасы және аяқ киімдер табысталды.
Қайырымдылық акциясына Хор Алима, Ибадулла Муслим, Бицарова Фарида, Даркенбаева Галия, Малоер Мадина, Енсебаева Салтанат, Омарова Сая, 10 «Ә» сыныбы, Рахимова Әсем, Жұмағали Гүлмира, Серікхан Бағдат, Қазиева Шынар, 2 «Б» сыныбы, 4 «Д» сыныбы, Жұмықова Жазира, Абдиева Айлаззат, Сыдықова Мадина, Төлендібаева Индира, Нұрбекқызы Майра, Сулейманова Динара, Снадинова Б.А., Жақсылықова Айжан, Сатдаева Айнұр, Палуаниязова Мехрибан, Майдан Заманбек, Серікбай Қуаныш, Мейрамбаева Назым, Молдаш Майра, Серікбай Ғазиза, Мадибекова Меруерт, Алманова Қазына, Жәкі Жанат, Бахти-Ахунова Айнұр, Санарова Саида, Тленшейва К., Курманова Әсел, Құрышбаев Еркебұлан, Касимова Альбина, Тұрысбекова Қарашаш, Чан-Шу Зейнап, Куссакова Жанат, Даутбаева Маржан, Байрамов Осман, 7 «Б» сыныбы, Тұрысбек Жәнібек, Амилдаева Қарлығаш, Марат Ақерке, Нүсіпова Балкен, 8 «Е» сыныбы, Аянбаева Динара, Саваза Рамазан, Болинова Рахия, Сембай Айзат, Байтурғанова Наргиз, Сарыбай Гаухар, 3 «Д» сыныбы, 9 «Ә» сыныбы, Ахан Айсұлтан, Курнеева Мүбәрак және 9 «Б» сыныбы белсенді атсалысып, игі бастаманың жүзеге асуына өз үлестерін қосты.
Көрсетілген көмектер әлеуметтік қолдауды қажет ететін отбасыларға мақсатты түрде табысталды. Әр отбасының әлеуметтік жағдайы мен нақты қажеттілігі ескеріліп, балалардың жаңа оқу жылына толыққанды әрі алаңсыз дайындалуына басымдық берілді.
Мектеп формасы мен аяқ киім оқушылардың жаңа оқу жылын қажетті киіммен бастауына мүмкіндік берсе, мектеп сөмкелері мен оқу құралдары олардың білім алу процесіне қажетті жабдықтармен қамтамасыз етілуіне жағдай жасады. Ал қаржылай көмек ата-аналардың жаңа оқу жылына байланысты материалдық шығындарын азайтуға қолдау болды.
Акция барысында демеушілердің әлеуметтік жауапкершілігі мен қайырымдылыққа деген жанашырлығы ерекше көрініс тапты. Олардың өз еркімен көрсеткен көмегі әлеуметтік қолдауды қажет ететін отбасылар үшін үлкен демеу болып, балалардың жаңа оқу жылына алаңсыз дайындалуына ықпал етті.
Игі бастамаға белсенді қолдау көрсеткен демеушілердің еңбегін бағалау және оларға ризашылық білдіру мақсатында «Мектепке жол» акциясына үлес қосқан азаматтарға Алғыс хаттар табысталды.
Мектеп ұжымы демеушілерге балаларға көрсеткен қамқорлығы, материалдық және қаржылай қолдауы, сондай-ақ мектептің әлеуметтік бастамаларына белсенді атсалысқаны үшін шынайы ризашылығын білдірді.
«Мектепке жол» акциясы мектеп, ата-ана және демеушілер арасындағы өзара ынтымақтастықты нығайтуға да өз үлесін қосты. Қайырымдылық шарасы арқылы әлеуметтік қолдауды қажет ететін балаларға нақты көмек көрсетіліп, олардың жаңа оқу жылына қажетті заттармен қамтамасыз етілуіне мүмкіндік жасалды.
Жалпы, №196 жалпы білім беретін мектепте ұйымдастырылған «Мектепке жол» республикалық акциясы жоспарлы түрде жүзеге асырылып, әлеуметтік қолдауды қажет ететін білім алушыларға жан-жақты көмек көрсетуге бағытталды.
Осындай игі бастамалар балалардың әлеуметтік жағдайына қарамастан сапалы білім алуына қажетті жағдай жасауға, оларды қолдауға және қоғамдағы өзара көмек пен мейірімділік құндылықтарын дәріптеуге бағытталған.
Алдағы уақытта да әлеуметтік қолдауды қажет ететін білім алушыларды анықтау, олардың қажеттіліктерін зерделеу және мүмкіндігінше көмек көрсету бағытындағы жұмыстар жалғасын табады.
Қорытындылай келе, «Мектепке жол» акциясы – балаларға қолдау көрсетіп, олардың жаңа оқу жылын жақсы көңіл күймен және толық дайындықпен бастауына мүмкіндік беретін маңызды қайырымдылық бастама. Әрбір балаға көрсетілген қамқорлық – оның болашағына жасалған қолдау, ал қайырымдылыққа үлес қосқан әрбір жанның көмегі – қоғамдағы мейірім мен бірліктің жарқын көрінісі.