Дидактикалық ойындар еліне саяхат

Білім беру саласы: Қатынас

Ұйымдастырылған оқу іс- әрекеті: Тіл дамыту

Мақсаты:

1. Дидактикалық ойындар арқылы балалардың алған білімдерін кеңейту.
2. Сөйлеу мәдениетін, сөздік қорларын байыту, түрлі-түсті суреттер, интерактивтік тақтадағы ойындар арқылы ойлау, сөйлеу мәдениеттерін дамыту, тілдерін байыту.
3. Балаларды табиғатты аялауға, еңбекқорлыққа, білімділікке тәрбиелеу.

Билингвальді компонент: Фрукты – жемістер, овощи — көкөністер.

Пайдаланылған көрнекіліктер: Интерактивті тақта, слайд – презентация, музыка, түрлі-түсті суреттер.

Шаттық шеңбері

Амансың ба, алтын күн,

Амансың ба, Жер-Ана.

Амансың ба, достарым,

Сендерді көрсем қуанам!

• Балалар, қазір жылдың қай мезгілі?
• Көктем мезгілі
• Көктем мезгілінде неше ай бар?
• Үш ай бар. Наурыз, сәуір, мамыр.
• Балалар, сендер ойын ойнағыларың келе ме? Ендеше бүгін көп ойындар ойнайық.
• Иә, ойын ойнағымыз келеді.
• Балалар, тақтаға назар аударамыз. Көктем мезгілі болғандықтан, біз бақша мен баққа саяхатқа шығайық. Сендермен «Бақта ма, бақшада ма?» дидактикалық ойынын ойнайық.

Мақсаты: жемістер мен көкөністерді ажырата білу, атауларын дұрыс айту, тілдерін қызықты суреттер арқылы дамыту.

1. Жемістер мен көкөністерді ажырату, атауларын айту.
2. Алманың түсіне қарап, себеттерге орналастыру.
3. Жемістердің көлеңкесі арқылы, жемістерлердің түрлерін табу.
4. «Не артық?» суреттер арқылы артық жемісті көкөністерден ажырату.
5. Жемістердің қиынды суреттері арқылы слайдта бейнеленген суретті табу.

   Балаларға сұрақтар:

1. Сиырдың төлін не деп атайды?
2. Қыс мезгілінде қыстап қалатын құсты атайықшы.
3. Мынау – үлкен балық. Мынау қандай балық?

— Балалар, «Қай жануар артық» дидактикалық ойынын ойнаймыз.

     Мақсаты: Слайдта жасырылған жануарларды табу арқылы тілдерін дамыту.

Ормандағы аюдың,

Құлпынайы көп екен,

Теріп — теріп алайық,

Қалтамызға салайық.

• Балалар, енді сендермен «Түрлі-түсті суреттер» дидактикалық ойынын ойнаймыз.

Мақсаты: Түстерді ажырата білу, әр түрлі суреттер арқылы тілдерін дамыту.

Сергіту сәті.

Балық суда жүзеді.

Жедел жәрдем.

Көбелек гүлге қонады.

Қайық судың көлігі.

• Балалар, сендермен «Көп пе, аз ба?» дидактикалық ойынын ойнайық.

Мақсаты: Берілген слайдтағы ойыншықтардың суреттері арқылы балалардың тілдерін дамыту.

— Балалар, міне бүгінгі сабақ сендерге ұнады ма? Біз қандай ойындар ойнадық? Бүгін сендер ашық ұйымдастырылған оқу іс-әрекетіне өте жақсы қатыстындар. Сендер сабаққа жақсы қатысқандарын үшін мына көңіл-күй смайликтерді қолдарына жабыстырып берейін. Ендеше, балалар, қонақтармен қоштасайық. Сау болыңдар!

Балалар келген қонақтармен қоштасады.

Күтілген нәтиже:

Білуі: Тіл дамытуға арналған дидактикалық ойындар арқылы сөз тіркестерін құрайды.

Меңгеруі: Дидактикалық ойындарды ойнай білуді.

Жасай алады: Берілген дидактикалық ойындарды мұқият орындай алады.

Оразбек Ақжамал Аманбекқызы

«Айназ» балабақшасы, тәрбиеші

Маңғыстау облысы, Қарақия ауданы,

Жетібай ауылы