Білім айнасы газеті Республикалық газет 
Жаңа оқу жылының басталуы қарсаңында Шымкент қаласының білім мекемелеріне 18 000 дана мектеп парталары алынып, жаңартылды .
Сонымен қатар 11-сыныптарды оқулықтармен 100% қамту аясында және қалған сынып оқушыларын қосымша оқулықтармен қамтамасыз ету үшін баспалармен толық келісім — шартқа отырды .
Қазіргі таңда тапсырыс берілген оқулықтар мен оқу кешендерін білім мекемелеріне жеткізу жұмыстары жүргізілуде. Тасымалдау жұмыстары 25 тамызға дейін аяқталады.
Білім ұйымдарындағы жалпы компьютер саны- 20 405. Оның ішінде ағымдағы жылдың шілде айында 10 975 дана компьютерлер сатып алынды.
Қосымша қажеттілікке байланысты жергілікті бюджет есебінен 1-қыркүйекке дейін тағы да 5000 -ға жуық компьютер жеткізіледі .
Бүгінгі таңда Үшінші Мегаполистегі білім мекемелерінің жылыту жүйелерін жөндеу, қысымдау жұмыстары толық аяқталды.
Айта кетейік, бүгінде жеке қазандықпен жылытылатын 25 мекемеге 4 793 тонна қатты және 190 тонна сұйық отын тасымалданып, жұмыс қарқынды жүргізілуде .
Жалпы , жылыту маусымына жоспарланған қатты және сұйық отындар арнайы лабораториядан өткізіліп, сертификаты алынды .
