Мәшһүр Жүсіп кім?

Сейфоллина Гүлжанат Бадешқызы
Ақмола облысы   Қосшы қаласы
Р.Қошқарбай атындағы №1 ЖОББМ
қазақ тілі мен әдебиет пәні мұғалімі

Мәшһүр Жүсіп кім?
(оны білесің бе?)

Жоғалғандай сіңіп сонау көкке арман
Ұлыларға мекен болған құт қорған –
Керекуден шыққан Жүсіп ғұлама
«Жай» болса егер, ел есінде тұра ма?…

10 жасынан ой қуған ақын бабам
Бұхарада білім ап, ілім жиған
Сыйынып Қожа хафиз аруағына
Ұрпағын «Шежіремен» сусандырған.

«Сарыарқа кімнің жері екендігін»,
«Тіршілкте бір тамаша бар ақиқат»,
Ілімменен түзелсе «Хал – ахуал»
Жер – су атын зерттейді ол, үйреніп ал!

Мақал – мәтел, тұрмыс – салт жырын талдап
Айтысын ақындардың жүрді қолдап.
Араб, түркі, шағатай, парсы тілін
Бойына сіңірді ол ақыл, білім.

Келешегін халқының ойлай білген,
Иманды серік етіп қорғап жүрген
Қой үстіне бозторғай жұмыртқалап
Мамыражай күн туад(ы) деп болжай білген.

Сол күнге жеттік біздер  шүкір,шүкір.
Жаңарды елім,жарқырап түкпір – түкпір
Армандар орындалып,өркендейміз
Деген ғой, білесіздер, атам Мәшһүр!

Шәкәрімдей асылмен сырлас болған,
Абай өзі тілдесіп, көңілі толған
Мәшһүр Жүсіп бабамыз мәңгі тірі
Ұрпағына иманымен қорған болған!