Отбасы, балабақша және ойын

Екайбаева Сауле Шойынбаевна
Астана қаласы әкімдігінің
№7 «Аққу» балабақшасы
тәрбиешісі                                                                   

Отбасы, балабақша және ойын.

Бала – отбасының айнасы іспетті,
тамшысында  күн қалай шағылысса,
әке мен ананың адамгершілік
тазалығы баладан бейнесін табады.    В. А. Сухомлинский

Балабақша мен отбасының қарым – қатынасы – тәрбие процесіндегі ең негізгі ағымдардың бірі. Отбасы мен балабақша – екі қоғамдық институт; ертеңгінің, келешектің, болашақтың бұлағы, бірақ уақыттың тапшылығы, шыдамдылыққа төзімділігінің ақсандауы, көбіне бір – бірін естіп білуге қауқарсыз жағдайда болып жатады. Ең негізгі себеп соңғы кезде отбасылар өз балаларына белгісіз жағдайлармен аса көңіл бөлмейді. Онымен қатар, бала тәрбиесіндегі негізгі мақсат оның қаржы жағынан тәуелсіз болуы деп ойлайды. А. С. Макаренко: «Ата – ананың бір – біріне қарым – қатынасы, сыйластығы, жылулығы болмаса, ешбір сапалы педагогикалық тәрбие күшсіз болмақ» деген екен. Міне осы бағытта мектепке дейінгі оқыту мен тәрбиенің мемлекеттік жаңа стандарты  жеке бастың рухани мүмкіндіктерін дамытатын, қазақ халқының салт – дәстүрімен таныстыра отырып, септігін тигізер бірден бір көмек. Ата – аналармен тікелей қарым – қатынас жасауға  «Ақ әжем», «Аққу жұлдызы», «Ойшыл математик» сияқты сайыстарды айтуға болады. Отбасының беріктігі, рухани мүдденің бірлігінде. Әдептілікпен балалықтың айқын бейнесі сезіліп тұратын балабақша мен тату – тәтті отбасы арасындағы бірлестік  сезімге, сүйіспеншілікке толы ұядай. Бүгінде болалар аз қозғалады. Үйде де, балабақшада да көбіне баланың білім жағына көңіл бөледі. Және де сол көрсеткіштің тез жоғарылауын, тіпті минуттап жоғарылауын күтеді. Оған педагогтың да, ата – ананың да көңілі бейқам. Ал баланың ой дамуы, логикасының дамуы, дене бітімінің, яғни спорттық жағынан дамуы көңілден тыс қалып жатады.

Педагог ретінде өз тарапымнан «ақыл гимнастикасы» сияқты дене гимнастикаларына аса көңіл бөліп жүрмін.

Біріншіден, алдыма мақсат қойдым:

• Әр матиматикалық дамыту ойындарына қимыл қосу;
• Қызықты қимылдарды дамыту ойындарын тақырыптық байланыста қолдана білу;
• Балаларға дамыту ойындары арқылы қуаныш аспектісін сыйлау;
• Спорттық атрибуттарды қолдана отырып, балалардың еркін, өзіндік шығармашыл қимыл іс – әрекетіне бағыт беру;
• Балаға танымдық жағынан да, физиологиялық жағынан да өсіп – жетілуіне көмек беру.

Дидактикалық ойындар:

• «Сыңарын тап»
• «Ретімен қой»
• «Не жетіспейді ?»
• «Сиқырлы қапшық»
• «Қандай пішін ?» т.с.с.

Осындай қызықты ойындар арқылы бала өзінің білімін кеңейтіп, сабақ үйреніп отырғанын сезбей, жеңіл қабылдайды. Бұл психологиялық тұрғыдан алғанда да, денсаулыққа да өте жеңіл және қызық.