Өнерліге өріс кең

Қарағанды облысы Білім басқармасының жоспарына сай, «Сарыарқа дарыны» АҒПО және Қарағанды   гуманитарлық   колледжінің  ұйымдастыруымен  18-сәуір күні  Қарағандыда  Ғ.Жұбанованың  90  жылдығына  орай   балалар   музыка мектебі, өнер  мектебі   және   жалпы   білім   беру  мектептері  арасында «Жас музыкант» облыстық    орындаушылар байқауы өтті.

Байқаудың мақсаты:
Талантты   балаларды  анықтау және  қолдау, кәсіби бағдар беру, сонымен  қатар  оқытушылардың  педагогикалық  шеберліктерін жетілдіру болып табылады.

Байқаудың міндеттері:

1. Көп ұлтты Қазақстанның мәдениетін сақтау жене дамыту;
2. Болашақ ұрпақтың  эстетикалық  және рухани адамгершілігі мен патриоттық сезімдерін тәрбиелеу.
3. Мәдени тәрбиелік  пен  кәсіби   байланысын  нығайту, дамыту.
4. Музыкалық – педагогикалық білім беру сапасын арттыру;
5. Балалардың шығармашылығын   қолдау арқылы жағдайын жасау, тәжірибе алмасу, педагогтардың кәсіби шеберлігін арттыру.

Байқауға  14-тен астам Қарағанды облысының білім беру  ұйымдарынан  қатысуға  өтініш  қабылданып, 60 оқушы фортепиано, баян, аккордеон, домбыра, қобыз номинациялары бойынша қатысты.
Аталған   іс-шараны салтанатты  түрде Қарағанды  гуманитарлық  колледжінің  директоры, «Қазақстанның  еңбек сіңірген   қайраткері» Әміров Есжан  Сарманқұлұлы ашты.
Әр қатысушы 2 түрлі  сипаттағы шығармалар   орындады, соның бірі –  Ғ.Жұбанованың  шығармасы болды.
Қатысушылардың шеберлігін колледж  және музыка мектептерінің оқытушылары бағалады.
Байқау  қорытындысы бойынша жүлделі орындарды әр номинация және жас ерекшеліктеріне қарай 13-14 және 15-16 жас аралығы  бойынша  бөлінді.
Жеңімпаздар I, II, III дәрежелі дипломдармен  марапатталса, жетекшілеріне Алғыс  хаттар  табысталды. Барлық  қатысушылар  мен  жетекшілеріне сертификаттар  берілді.

                           Әсел Құсайынқызы,
Қарағанды қаласы,
«Білім айнасы»