Білім айнасы газеті Республикалық газет 2019 жылғы қыркүйектен бастап, «0+11» қағидасы бойынша 12 жылдық білім беру моделін білім жүйесіне енгізу жоспарлануда.
Нөлінші сыныпта «Әліппе» базалық оқулық болып табылады. Қазіргі уақытта жаңа білім беру мазмұнына ауысу бойынша даярлық жұмыстары жүргізілмек.
Ағымдағы оқу жылы Қазақстан Республикасының 48 білім беру ұйымында Әліппені апробациялау басталды. Осыған орай, Павлодар облысында Әліппе үш білім беру ұйымында: Павлодар қаласының №126 сәбилер бақшасы, Екібастұз қаласының №12 сәбилер бақшасы, Баянауыл ауданы Майқайың № 1 ЖОМ-де арнайы зерттеуден өткізілмек. Оған: мектеп жасына дейінгі 69 бала қатысады. Барлық орындар оқу-әдістемелік кешендерімен қамтамасыз етіліп, материалдық-техникалық база құрылған. Зерттеу жұмыстарын жүзеге асыратын үш педагог – Ю.И. Сафиулина, Б.Б. Кажикова, М.А. Ибраева «Өрлеу» БАҰО АҚ-да «Мектепке дейінгі тәрбие және оқыту мен бастауыш білім беру мазмұнының сабақтастығын қамтамасыз ету» тақырыбы бойынша курстық қайта даярлықтан өтті. Аталмыш іс-шараға қатысушылар республикалық «Мектепке дейінгі балалық шақ» орталығының әдістемелік көмек көрсету семинар-кеңесіне қатысты.
Айгүл Молдаш,
Білім айнасы,
Павлодар
