А.Т.СИСЕНОВА. ОҚУШЫЛАРДЫҢ ТАНЫМДЫҚ ҚЫЗЫҒУШЫЛЫҒЫН ОЙЫН ӘРЕКЕТТЕРІ АРҚЫЛЫ ДАМЫТУ

«Өрлеу» БАҰО» АҚ филиалы Маңғыстау облысы бойынша ПҚ БАИ-да бастауыш сынып мұғалімдеріне арналған «Оқушылардың танымдық қызығушылығын ойын әрекеттері арқылы дамыту» тақырыбында облыстық әдістемелік семинар өтті. Семинар алдына Қазақстан Республикасында білім мазмұнын жаңарту жағдайында оқушылардың пәнге танымдық қызығушылығын, белсенділігін шығармашылық тұрғыда ойын арқылы дамыту және жаңартылған білім беру бағдарламасын іске асыру үшін мұғалімдердің педагогикалық шеберлігін жетілдіру мақсатын қойды.
«Өрлеу» БАҰО» АҚ филиалы Маңғыстау облысы бойынша ПҚ БАИ аға оқытушысы, тренері Ардақ Тынымжанқызы «Оқушылардың танымдық белсенділігін арттыруда ойын әдісінің маңызы» тақырыбында баяндама оқыды.
Семинарда Ақтау қаласы, №23 орта мектептің бастауыш сынып мұғалімі У.Молдашова «Оқушылардың сабаққа деген қызығушылығын ойын әрекеттері арқылы дамыту» тақырыбында шеберлік сынып, №14 орта мектептің бастауыш сынып мұғалімі Ә.Өтегенова «Оқушылардың танымдық қызығушылығын ойын арқылы анықтау», Мұнайлы ауданының №8 орта мектебінің бастауыш сынып мұғалімі З.Аймағамбетова «Байлық пен ақыл», Мұнайлы ауданының №5 орта мектебінің бастауыш сынып мұғалімі А.Сартаева «Жер мен күн», Мұнайлы ауданының №12 орта мектебінің бастауыш сынып мұғалімі Р.Кармусова «Қомағайлық — жаман әдет», Мұнайлы ауданының №12 орта мектебінің бастауыш сынып мұғалімі С.Тұрғанбаева «Қоршаған ортаны тануға арналған ойындар», Мұнайлы ауданының №10 орта мектебінің бастауыш сынып мұғалімі Н.Өтесінова «Уақыт өлшемдері» тақырыбында сабақтар көрсетті.
Семинарға қатысушылар оқушылардың ішкі уәжін арттыру бағытында және әдіс-тәсілдерді ойын әрекеттері арқылы оқу үдерісінде қалай қолдануға болатыны жөнінде өз ұсыныстарын айтты.

А.Т.СИСЕНОВА,
Мұғалімдердің кәсіби дамуын
психологиялық-педагогикалық қолдау
кафедрасының аға оқытушысы, тренері