Білім айнасы газеті Республикалық газет 
2016 жылғы 22 сәуірде Анталья қаласында «World Botanic EXPO-2016» мамандандырылған көрмесінде «Бала және гүл» ұранымен Қазақстан Республикасының павильоны ашылған болатын.
«World Botanic EXPO-2016» көрмесінің ұйымдастыру комитеті құрылыс нысанын қысқа мерзімде бітіргені үшін қазақстандық тарапқа алғыс айтты. Сонымен қатар, 57 мемлекеттен 3 мемлекет (Қытай, Қатар, Қазақстан) павильондарын түрік компанияларының көмегінсіз салғандығы айтылды.
Көрме 2016 жылдың сәуір айынан бастап қазан айына дейін жалғасты.
Ал 30 қазанда Expo-2016 Antaly мамандандырылған комиссиясының бағалауымен ең үздік повильондарды марапаттау шешімі қабылданды. «World Botanic EXPO-2016» ұйымдастыру комитетінің шешімімен Қазақстан Республикасына (ұйымдастырушы – ҚР БҒМ) 3-орын берілді.
Айта кетейік, 18 қазан күні сағат 10:00-де ҚР Парламентінің Сенатында «Қазақстан Республикасында биологиялық алуантүрліліктің сақталуын заңнамалық қамтамасыз етудің өзекті мәселелері» тақырыбында өткізілген парламенттік тыңдауда еліміздің Expo-2016 Antaly-да 3-орын иеленгені үшін ҚР Білім және ғылым министрі Ерлан Сағадиевке сертификат пен марапат тапсырылды.
