Білім айнасы газеті Республикалық газет 
Бақытжанқызы Жұлдызай
ЖББ М.Қаналиев атындағы мектеп-
балабақша кешенінің 2-санатты
тәрбиешісі
Алғабас ауылы Сырым ауданы БҚО
Мақсаты: Балаларға туған елі, жері, Отаны туралы түсінік беру . Ұлтжандылыққа, патриоттыққа тәрбиелеу. Отанына деген сүйіспеншіліктерін ояту. Елін, жерін сүйіп қадірлейтін, ұлтын қастерлейтін тұлға болуға тәрбиелеу.
Көрнекіліктері: Елбасының фотосуретін ілу, ҚР рәміздерін ілу, елордамыз Нұр-Сұлтан қаласының, қазақ жерінің суретін көрсету.
Сабақтың барысы: Балалар, бүгін біздің Тұңғыш Президент күніне, тәуелсіздігімізге арналған «Ұлт мақтанышы — Елбасы» атты ертеңгілігіміді бастаймыз.
— Балалар, біз осы Отан деген сөзді естіп жүрміз. Оныбала күнімізден білеміз, Отан дегенді қалай түсінеміз.
-Отанды жақсы көреміз бе ?
Отан туралы тақпақты бізге Ислам айтып берсін:
Туған елім ол менің,
Қазақстан – Отаным.
Көзімді ашып көргенім,
Саған өзімді атадым.
Айым
Отан деген — атамекен,
Отан деген туған жер.
Аяна
Отан-ана, Отан — үлкен,
Қазақстан — туған ел.
-Жақсы, жарайсыңдар. Балалар енді мен сіздерге бірнеше сұрақтар қояйын, әзірсіңдер ме?
— Біз қай елде тұрамыз?
— ҚР.
— Қазақстан – тәуелсіз ел. Тарихы да өте бай. Мұнда көп ұлт өкілдері тұрады. Қане бірге айтайықшы: орыс, татар, қазақ, неміс, ұйғыр, өзбек т.б.
— Балалар біздің Президентіміз кім?
— Қ. Тоқаев.
— Ал, елордамызды білеміз бе?
— Нұр-Сұлтан қаласы.
— Балалар біздің Президентіміз де Нұр-Сұлтанда тұрады, оның жұмыс орны да сонда, ал жұмыс жасайтын орнын Ақорда деп атайды.
— ҚР тәуелсіз ел болғандықтан, еліміздің рәміздері де бар.
— Олар ту,елтаңба,әнұран.
Елтаңба туралы
Елтаңбасы елімнің,
Ортасында шаңырақ,
Көмкерген оны қос пырақ.
Төбесінде жұлдызы,
Тұр ғой әне жарқырап.
Ту туралы
Мемлекеттік туымыз көгілдір түсті. Ол бірлік пен ынтымақтың белгісі . Ал ортасындағы күн бейнесі тыныштық пен байлықтың белгісі.
Астындағы қыран құс — қырығылықты білдіреді.
Ою-өрнегіміз – қазақылығымыздың белгісі.
Әнұран туралы
Әнұраным, жанұраным,
Айтар әнім, сөйлер сөзім.
— Балалар, шаршадық па , ендеше орнымыздан тұрып, бір сергіп алайықшы.
Сергіту сәті.
Жоғары қарап күн көрдік,
Төмен қарап жер көрдік,
Оңға,солға бұрылып
Егеменді ел көрдік
— Енді тақпақтарға кезек берейік.
Айым:
Болашаққа бастаған ,
Шарықтайды асқақ ән.
Ел ордасы — Отаным,
Мақтанышым — астанам.
Айару:
Туған жерім, астанам,
Сен еркесің басқадан
Құшағыңда куанып,
Мен шырқаймын асқақ ән.
Айсұлтан:
Бақ тілейміз енді біз,
Ылғи күліп тұрсын таң.
Тұңғыш Президентіміз,
Назарбаев Нұрсұлтан.
Нәзік:
Біз Отанды сүйеміз,
Біз отанға адалмыз.
Көгілдір ту иеміз,
Қалай жасық боламыз.
Нұрәли:
Мәңгілік жерімнің,
Астана жүрегі.
Мәңгілік елімнің,
Елбасы тірегі.
Даяна:
Көк аспандай көкпеңбек,
Қазақстан жалауы.
Көк емес ол тектен тек ,
Елдің ашық қабағы.
Мерейлім:
Төкті оған нұрын дала,
Астана сұлу қала,
Біз оны анамыздай,
Сүйеміз шынында да.
Жансая:
Көк байрағы бабаның,
Бүгінгі ұрпақ сайланған.
Бабам салған ізбенен,
Ақ жолынан таймаған.
Айбатыр:
Тәуелсіз елдің тірегі,
Бақытты біздер баламыз.
Сияқты елдің жүрегі,
Елбасы — біздің данамыз.
Фариза.
Білер бірі екінің,
Елге берген бар анты.
Ол тыныштық кепілі,
Ата Заңның гаранты.
Асанәлі:
Жас астанам — жас қалам,
Тарихың бар ашпаған.
Ордасы бол айшықты,
Ей, бас қалам — Астанам.
Ән «Атамекен» хормен орындау (балалардың қолына жалау беріп, бір қатарға тұрғызу)
— Жақсы балалар, сендер Отан, туған жер, Қазақстан туралы тақпақ, өлеңдеріңді жақсы жаттаған екенсіңдер. Сендер нағыз патриот болатындарыңа сенімдімін.
— Жарайсыңдар!
Қазақстан егеменді байрақты ел,
Жердің жүзін мойындатқан қайратты ел,
Ата Заңым – елдігімнің еңсесі,
Заңы барда қазақ елі – айбатты ел.
Бұзылмас мәңгі оның бал қаймағы,
Достығым бақыт, бірлік, мол қайнары.
Көркейсін тәуелсіз ел – Қазақстан,
Желбіреп аспанында көк байрағы, – дей келе, Тұңғыш Президент күніне арналған ертеңгілігімізді аяқтаймыз. Қатысқандарыңызға көп рахмет бүлдіршіндер, сау болыңдар!
