Балаларға арналған медитациялық ертегілер

Джолдыбаева Жанар Кураловна,
Астана қаласы әкімдігінің
№ 76 «Әдемі» балабақшасының тәрбиешісі

     Жалпы алғанда ертегі дегеніміз – халық прозасының көркем түрі ғана емес, ол – тәрбие құралы. Психологтар баланың тұлға болып қалуыптасу кезеңінде ертегінің алатын орны зор екенін айтады. Себебі ертегі – баланың ең бірінші танысатын көркем әдебиеті. Сонымен бірге күнделікті айтып жүрген ертегілерді түрлендіріп отырған жөн. Ертегі – фольклордың ескі жанрларының бірі. Оның мазмұны шындыққа жанаса бермесе де, астарында үлкен ғибрат, қазына жатыр. Ертегінің негізгі мақсаты – белгілі бір сұлба арқылы бас кейіпкердің болмысын көркемдеп жеткізіп, адамды ғажайыпқа сендіру болып табылады.
Ал, медитациялық ертегілер балаларды тыныштандырады, жағымды эмоция тудырады, өзімен және айналасымен үйлесімділік орнатуға ұмтылады, өзіне сенімділік арттырады. Балалар ертегіні тыңдай отырып, ішкі дүниелері қуанышқа бөленеді және қоршаған ортаны саналы түрде қабылдайды.  Медитациялық ертегілер балалардың жағымды бейнеде тәжірбие жинақтауына, сондай-ақ, психо-эмоционалдық шиеленісті төмендетуге, тұлғалық әлеуетін дамытуға өзара қарым-қатынастың жақсы үлгілерін игеруге арналған. Медитация жалпы, жағымды көру, есту, сипап сезу, иіс сезу, дәм сезу секілді тактилді – кинестикалық арқылы процеске толық кіру арқылы есінде тұрады. Сондықтан ертегіні балаға жай ғана оқып, айту ғана емес арнайы жағдай тудыра отырып айту керек. Бұл ертегінің басты мақсаты – қоршаған әлеммен және басқа адамдармен өзара қарым – қатынастың жағымды үлгісін санадан тыс хабарлау. Сондықтан да, бұл жерде басты ерекшелік конфликтпен  мен жауыз батырлардың болмауы.