Білім айнасы газеті Республикалық газет 
Ергараева Куралай Козикеевна
Нұр -Сұлтан қаласының мектепке дейінгі тәрбиелеу және білім
беру мекемелері педагог- психологтері атынан
№65 «Балбала» балабақшасының МКҚК педагог- психологы
Білім беруге жаңаша бағыт беретін педагогикалық қызметкерлердің дәстүрлі тамыз конференциясын бәріміз асыға күтеміз. Ағымдағы жылы тамыздың 21 күні Нұр — Сұлтан қаласы Білім басқармасының «Астана дарыны» дарындылықты дамыту және психологиялық сүйемелдеу орталығы білім беру ұйымдарының педагог — психологтері үшін «Қашықтан оқыту жағдайында білім беру үрдісін психологиялық -педагогикалық сүйемелдеу» тақырыбында секциялық жұмысын өткізді. Секция жұмысының ашылуында «Астанадарыны» ДДжПСО директоры, педагогика ғылымдарының кандидаты Майра Жаноразқызы қазірігі білім берудегі жетістіктер мен нәтижелер жайлы айта келіп секция жұмысына қатысушыларды жаңа оқу жылымен құттықтап, педагогикалық қызметтеріне сәттілік тіледі. Секция жұмысында «Астана дарыны» ДДжПСО педагог-психологы Исабекова Айжамал Керімбекқызы «Карантин жағдайында білім беру ұйымдарындағы психологиялық қызметтің маңыздылығы» баяндамасында карантин жағдайында балабақша педагог- психологтерінің атқарған жұмыстарына ерекше тоқталып өтті. Қашықтан оқыту жағдайында ата — аналар мен педагогтерден келіп түскен сұраныстар бойынша түрлі жастағы балалармен жүргізген жұмыстардың нәтижесінің оң болғанын айтып өтті. Секциядағы баяндамалар мазмұнынан балалар, ата — аналар және педагогтарға психологиялық қолдау көрсетудің жаңаша әдістерін, психологиялық кеңес беру аясын кеңейту мүмкіндіктері жайлы пайдалы әдістемелік ақпарат алдық. Конференцияда атқарылған істерге баға беріп, болашаққа бағдар жасалды. Қашықтан білім беру жағдайы мектепке дейінгі мекемелердің педагог — психологтарына да үлкен міндет жүктеліп отыр. Осы үрдісті психологиялық сүйемелдеу және оның қатысушыларына психологиялық жайлылықты қамтамасыз ету жұмысын жаңаша мазмұнда бастауға мектепке дейінгі педагог — психологтер де өз үлестерімізді қосуға дайынбыз.
Психологиялық қызмет жұмысын дамытуға және педагог- психологтерге үнемі қолдау көрсететін «Астана дарыны»ДДжПСО директоры Майра Жаноразқызына алғыс айтамыз.
