Ұстаз –ана

Мукушева Нұрғайша Ермековна,
Астана қаласы
әкімдігі «№62 Нұрсәуле»
балабақшасы тәрбиеші

Мақсаты: балалардың бойында ұстаз деген ерекше жылы сезім қалыптастыру. Баланы ұстазды құрметтеуге, сыйлауға қадірлеуге, ұстаз еңбегін бағалай білуге үйрету, дамыту. Адамгершілікке, кішіпейілдікке үлкенге құрмет көрсетуге тәрбиелеу.
Көрнектілігі:  Шарлар, нақылсөздер.                                                                                         (Музыка ырғағымен, балалар ортаға шығады)
Жүргізуші:Балабақшаның тірегі әрі жүрегі — ұстаз. «Ұстаздық еткен жалықпас, үйретуден балаға»- деп Абай атамыз айтқанындай. Ұстаз ұлағатты есім, шәкірттерге білім беруде ұстаздардың еңбегі ұшан — теңіз. Алдарымызда отырған балаларымыз бір — бір кірпіш болып қалануы, осы ұстаздардың,балабақша ұжымының арқасы.
Жүргізуші: Әң:« Ұстаз –ана»                                                                                          Аяулы ұстаздар төл мерекелеріңіз құтты болсын. Еңбектеріңізге мол табыс, отбасыларыңызға бақыт тілейміз. Мерейлеріңіз үстем болсын. Бүгінгі әніміз, биіміз Сіздерге арналады ардақты ұстаздар. Құрметті ұстаздар сіздерді біздің кішкентай бүлдіршіндеріміз де құттықтағылары келіп тұр, өздерінің бала тілдерімен құттықтауларына рұқсат етіңіздер.

Балалардың тақпақтары:1-бала

Сәлем бердік ұстаздар баршанызға,

Сіздермен тола  берсін ортамызда.

Бугінгі ел басқарған  азаматтар,

Білім алған сіздердің арқанызда.

2-бала:Ән салғызып, билетіп,Ылғи бізбен жүреді.

Тақпақты да үйретіп,

Ойната да біледі.

3-бала:                                                                                                                                              

Қызық-қызық ертектер,

Біздерге оқып береді.

Жылауық та, тентек  те,

Сол апайға көнеді .

4-бала:Кішкентаймыз әлі біз,

Үлкендерге сенеміз.Бұл апайды бәріміз,

Сыйлап, жақсы көреміз.

5-бала :

Ұлы өмірге жетелеп,

Ашқан білім есігін.

Құрметтейік мәпелеп,

Ұстаздардың есімін.

Музыкамең залға сиқыршы кіреді.

Жүргізуші: Ойын «Қол шатыр»

Жүргізуші:  Аспаптар оркестр

Жүргізуші:

Бірге өсіп, ен жайлаған ұл менен қыз,
Асыға сәлем жолдап жүректен біз.
Тәтті күй, асқақ ән мен әсем биді,
Сіздерге тарту етіп ұсынамыз.

Би : Көңілді қыздар  Ойын: «Кім жылдам»

Бүгін ұстаздар оқушы болсын, емтихан алып көрейік.ендеше тыныштық сақтаңыздар! Емтиханымызды бастаймыз.Енді, ұстаздар, кезек-кезек билет алыңыздар. Сол билеттегі сұрақтарға дұрыс жауап берулеріңізді сұраймыз.№1 билет. Топта сіз үшін ең сүйікті бала болу керек пе?№2 билет. Оқу іс-әрекетінде ұйықтап қалған баланыны оятасыз ба?№3 билет. Жұмысқа жиі кешігіп келесіз бе?№4 билет. Ата-аналарға балалардың тәртібі туралы хат жазасыз ба?№5 билет. Жұмыста анекдот айтқан кезіңіз болды ма?Көп рахмет сіздерге, ұстаздар! Барлығыңыз да емтиханнан сүрінбей өттіңіздер.

Жүргізуші:  Вокал тобының орындауында «Тәрбиеші» әнін қабыл алыңыздар

Жүргізуші:Ұстаз мейірімі-Ана мейіріміне пара-пар,Тұла бойға қуат болып таралар. Көп жасаңдар бұл өмірде шуақ боп, Айналайын білім берген  ұстаздар дей келе «Бәйшешек» тобының ата-аналары мен балаларының дайындаған бейне құттықтауын қабыл алыңыздар!

Балалар: Ұстазым сізге мың алғыс

Жүргізуші:Шәкірттерін еліне абыройлы, халқына сыйлы, адал, шыншыл азамат етіп шығарамын деп, әр шәкіртін аялап өсіріп, өмір атты шексіз ғаламға еңбек еткен ұстаздарымызға алғысымыз шексіз. Осындай халықтың ыстық ықыласына бөленіп, еңбек еткен ардақты. Қадірменді қонақтарымызға арналған балаларымыздың сыйлықтары бар,сол сыйлықты қабыл алыңыздар.