Суретшінің  қызықты  тапсырмалары

Аусарова Айсұлу Советқызы
Астана қаласы әкімдігі
№61 «Шолпан» балабақшасы
«Юпитер»мектепалды тобының
І санатты  тәрбиешісі

Суретшінің  қызықты  тапсырмалары

Білім беру саласы: «Таным»
Бөлімі: математика негіздері
Мақсаты: Балалардың  логикалық  ойлау  қабылеттері    арқылы   білімдерін  арттыру. Балалардың сөйлеу қабілеті мен зейінін, есту,
есте сақтау және ойлау, қиялдау қабілеттерін дамыту.
Топпен бірге ұжымдасып жұмыс істеуге  бір-бірінің сөзін тыңдай білуге тәрбиелеу.
Көрнекіліктер: интерактивті тақта,  сандар бейнеленген карточкалар, дидактикалық ойын, ойын – «Бестемше»
Әдіс тәсілдер: Ғажайып сәт, интерактивті тақта мен және үстел үстінде тапсырмалар орындау, сергіту сәті,
Барысы:
Шаттық шеңбері:

Білім  жолмен  жүрейік
Қиындықтан  қашпайық
Күліп созып қолынды.
Бір, екі, үш деп соғайық.

Қарап тұрған көршіңе,
Қолымды мен былғайын.
Жылы –  жылы жүзбенен,
Мандайынан сипайын.

Жылы –жылы жүзбенен,
Жүрегімді сыйлайын.
Ыстық    алақаныммен
Қолыңды  бер қысайын
Амандасып  өзіңмен
Құшақтап бір  алайын.
(Балалар келген қонақтармен амандасады)

Сұрақ жауап:
Тәрбиеші: Бір жылда неше жыл мезгілі бар?
Балалар: 4 жыл мезгілі бар
Тәрбиеші: Жыл мезгілдерін атап өтейік
Балалар: Қыс, көктем, жаз, күз.
Тәрбиеші: Ал қазір қай жыл мезгілі?
Балалар: Қазір күз мезгілі
Тәрбиеші: Күз мезгілінде табиғатта қандай өзгерістер болады?
(балалардың жауаптары)
Тәрбиеші: Ал бір аптада неше күн бар және апта күндерін атап өтейік.
Балалар: Аптада 7 күн бар.Апта күндерін атап өтеді.
Тәрбиеші: Сендер балабақшаға неше күн келесіңдер, ал неше күн дем аласыңдар?
Балалар: 5 күн келеміз, 2 күн дем аламыз
Тәрбиеші:Жарайсыңдар!
Ғажайып сәт: «Суретші кіріп келеді»
Суретші: Сәлеметсіңдер ме балалар, сендер бүгін қандай керемет,әдемі болып кеткенсіңдер.

Балалар: Сәлеметсіз бе!
Суретші: Мен жаңа орман жақтан келе жатқан едім,орман ішінен шыға беріп,табиғат аясында керемет  кемпірқосақты  көрдім  сол  кемпірқосақты  салғым  келді. Бірақта  сендердің  көмектерің  керек.
(Интерактивті тақтадан кемпірқосақтың суреті шығады)
(Интерактивті тақтадан кемпірқосақтың түстері жойылып кетеді)
Суретші: ой, балалар, менің  салатын суретім қайда жоғалып кетті.(мұңаяды) Енді мен не істеймін? (Балалардан  көмек  сұрау.)
Тәрбиеші: Суретші, сен еш уайымдама біз сенің кемпірқосағыңның суретін қайтадан орнына келтіріп береміз. Бірақ қалай? (Суретші
жерге отыра бергенде қалтасынан жеті түрлі хат түсіп қалады.) Ой балалар бұлар не?
Балалар: Хатқалта.
Тәрбиеші: Суретші сен бұл хатқалталарды қайдан тауып алдың?
Суретші: Жана орманның ішімен жүріп келе жатқанда жолдың әр шетінде жатыр екен,содан ұнатып қалтама салып алған едім.
Тәрбиеші: Ал балалар хатқалта адамға не үшін керек екен?
Балалар: Адамдар оған хат жазады, алыс туыстарына хат жазып жібереді.
Тәрибеші: Балалар хатқалталардың түстері де ашық екен, біз түстерді ажырата білеміз ғой, олай болса бұл түстерді атап көрейік.
Балалар: қызыл, қызғылт сары, сары, жасыл, көгілдір, қызғылт күлгін.
Тәрбиеші: Дұрыс айтасыңдар, олай болса осы хатқалталарды ашып көрмедік пе?
Балалар: Ашып көрейік.
Тәрбиеші: Мүмкін біз осы хатқалталардың тапсырмаларын орындасақ кемпірқосағымыздың түстері орнына келіп қалар, сол кезде суретшіміздің де көңілі көтерілер.
Суретші: Балалар егер сендер менің салған кемпірқосағымының түстерін орнына келтіріп берсеңдер мен сендерге керемет сыйлық жасаймын.
Балалар: Жақсы суретші.
(Хатқалталарды ретімен аша бастайды)
1-хатқалта (қызыл): 1. 1-10 тура және кері санау.

2. Жоғалған сандарды табу.

(Интерактивті тақтадан балалар сандарды тура және кері санап, жоғалған сандарды табады)
2-хатқалта (қызылт сары): Пішіндерді атау, орналасқан орындарын  тауып айтып, беру.
(Интерактивті тақта арқылы пішіндерді атайды және орындарын тауып береді)
3-хатқалта (сары): Сандарды заттармен сәйкестендіру
(Интерактивті тақтада сандарды заттармен сәйкестендіреді)
Сергіту сәті: Ал балалар тұрайық,

Үлкен шеңбер құрайық.
Оңға қарай иіліп,
Солға қарайы иіліп.
Алақанды соғайық,

Алға қарай бір адым,
Артқа қарай бір адым.
Жоғары, төмен қарайық,
Орнымызды табайық.

4-хатқалта (жасыл): Логикалық есептер
5-хатқалта (көгілдір): 1. Геометриялық  пішіндерден  бейне  құрастыру.
6-хатқалта (қызғылт):  Есептер  шығару.
7-хатқалта (күлгін):  Балалар «Бестемше» — ойынын  білесіңдер ме? Ойын  ойнату.
Суретші: Ал балалар алдарындағы тұрған аққағазға мына  губканы алып солдан оңға қарай басып жүргіземіз. Балалар не пайда болды?
Балалар: Кемпірқосақ
Суретші: Сендерге ұнады ма?
Балалар: Ия
(Балаларға  кемпірқосақ  бейнеленген  сурет  сыйға  тарту.)
Балалар: Рахмет суретші.
Күтілетін нәтиже:
Біледі: Балалар  сандарды  тура  және  кері  санауды  біледі.
Меңгереді: Логикалық  есептерді   ауызша шығаруды  меңгереді.
Игереді: Топпен бірге тапсырмаларды ұқыпты және жауапкершілікпен орындауды игереді.