Жаңа жыл

Баянбаева Гүлшат Бейбітқызы
Астана қаласы
 №82″Айару» балабақшасының
 тәрбиешісі

Ақшақар: — Балалар қараңдаршы қандай керемет, біз ертегі әлеміне тап болғандаймыз. Ортада шырша тұр, жарқ-жұрқ етіп жалтырап, Шырша сендерге ұнады ма?

Балалар: — Иә.

• Балалар, мен кіммін? Мені таныдыңдар ма?

Ақшақар: – Иә, олай болса шыршамыздың шамын жағайық, қолымызды шапалақтап, аяғымызды топылдатып көрейік, қәне менімен бірге қайталайық.

(балалар қолдарын шапалақтайды, аяқтарын топылдатады, шырша жанады)

• Ал егер шыршаның шамын сөндіргіміз келсе, онда үрлейміз.

(балалар шыршаға үреді, шамы сөнеді)

— Ал енді шыршаның шамы жансын десек, тағы да қол шапалақтайық (жанады).

— Шеңберге тұрып, шыршаны айналып, ән салып, би билейік.

(Хоровод)

Ақшақар: — Балалар қараңдаршы, мынау кімнің қолғабы, кім жоғалтып алды екен? (қолғапты көтереді, ішінен қоңырау шығады)

Қоңырау, айтшы сен кім сені жоғалтты?

Ақшақар қоңырауды сылдырлатады, Аққала келеді.

Аққала: — Мен жай қарапайым емеспін. Мен көңілдімін, тентекпін, мен ойнағанды, жүгіргенді, секіргенді жақсы көремін.

Би: «Қоңыраулар биі»

Аққала: — Ой, көңілді би биледік, бірақ  мүлдем шаршамадық.

Ақшақар: — Айнала қандай әдемі, ал біздің балалар сыйлық күтуде, біздің Аяз Атамыз қайда екен? Балалар Аяз Атаны шақырайықшы.

• Аяз Ата (3 рет), Аяз Ата кіреді)

Аяз Ата: Ау.., Ау.., келе жатырмын.

Аяз Ата: — Сәлеметсіздер ме балалар, көңілді балақайлар, мен көңілді Аяз Атамын, менің мұрным қызыл, мен сендерді Жаңа Жылдарыңмен құттықтай келдім, сендерге тек денсаулық, зор байлық тілеймін. Шыршаларың қандай әдемі еді.

Ақшақар: — Аяз Ата, балалар сізге арнап ән айтпақшы, тыңдаңызшы.

Ән: «Дед Мороз»

Ақшақар: — Аяз Ата, сіздің арқалаған қабыңызда не бар?

Аяз Ата: — Бұл сиқырлы дорба. Ал менің дорбамда не жасырылған екен?

(Аяз Ата дорбасынан Аққала алып шығады)

Би: «Аққалалар»

Аяз Ата қапшығынан Ақшақардың мүсінін алады.

Ақшақар: – Сізге Ақшақар  неге керек.

Аяз Ата: — Ақшақарлардың мың бұралған билерін көріп, тамашалағым келіп тұр.

Ақшақар: — Олай болса, келіңдер кішкентай ақшақарларым, менімен бірге билеңдер.

Би: «Ақшақарлар»

Балалар отырады.

Аққала: – Балалар бүгінгі мерекеде  мен сіздермен ойын ойнағым келіп тұр. Мінекей, мынау домалақ қарлар, қане атысып ойнайықшы.

Ойын: «Қар атыспақ»

Аққала: — Балалар рахмет, ойын ойнап, көңілімізді көтерейік. Енді Аққаланы, яғни менің дене мүшелерімді құрастырып көріңіздерші.

Ойын: «Аққаланы құрастыр»

Аяз Ата: — Ой жарайсыңдар, ән салып, би биледік, көңіл көтердік, мен қазір сиқыршыға айналам, сендерді үсіремін.

Ойын: «Үсіремін»

Аққала: — Аяз Ата көрдің бе біздер аяздан қорықпаймыз. Солай ма балалар?

Би: «Мы поиграем немножка»

(Балалар отырады)

Ақшақар: — Аяз Атадан сыйлық алатын уақыт та болған сияқты.

Аяз Ата: — Көңілді би билеп, ән салдық. Мен барлық баланы жақсы көремін. Оларға сыйлық бергім кеп тұр. Қайда екен менің дорбам? Оның ішінде қандай сыйлықтар бар екен? (іздейді)

 — Міне дорбам. Аузын ашып, балаларға сыйлығымды берейін. Ой, дорбамның аузы ашылмай тұрғаны.

Ақшақар: — Балалар қане қолымызды шапалақтап, аяғымызды топылдатайықшы, сонда дорбаның аузы ашылар ма екен?

(Балалар қайталайды, дорба ашылады)

Ақшақар сыйлықтарды үлестіреді.

• Осымен Жаңа Жылдық мерекені аяқтайық. Бәріңізге денсаулық тілейміз.Әрқашанда осындай көңілді болыңыздар. Жаңа жылдарыңызбен!