Жаңа жыл мерекесі

СҚО, Уалиханов ауданы
Жасқайрат ауылы,
Жасқайрат негізгі мектебі,
Балапан шағын орталығы
 тәрбиешісі
Сапарова Назира Беккожаевна

Жаңа жыл мерекесіне сай зал іші әсем безендірілген. Әдемі киінген балалар әуенмен залға кіріп, шыршаны айнала жүріп, орындарына отырады.

Жүргізуші: Құрметті ата-аналар, балалар, қонақтар! Сіздерді жаңа жыл мерекесімен шын жүректен құттықтаймыз! Жаңа жыл әрбір шаңыраққа құт береке, ырыс алып келсін! Жаңа жылда үйлеріңіз нұрға, құшақтарыңыз гүлге толсын! Әрқашан той болсын дей отырып, біздің «Құтты болсын, сиқырлы Жаңа жыл!» ертеңгілігімізді бастаймыз.

Жаңа жылдың таңы неткен арайлы,

Ақ мамыққа бөлеп алды маңайды.

Жаңа жылмен құттықтаймын бәріңді,

Бақыт, шаттық, молшылық әкелсін

Бәрімізге мына жыл арайлы.

Балалар шыршаны айнала тұрып ән орындайды.

Ән «Шыршаға бардық»

Әуен ырғағымен залға сиқыршы кіреді.

Сиқыршы:

Сәлеметсіздер ме, қымбатты достар! Мен шеберлі, кәрі сиқыршымын. Сиқырлық менің мамандығым! Шыныңды айтсам, достар, сиқырлықсыз өмір сүре алмаймын!

Жүргізуші: Құрметті сиқыршы, біздің балабақшаға қонаққа келгеніңізге өте қуаныштымыз! Өйткені бүгін балалардың және үлкендердің ең сүйікті мерекесі. Бізбен бірге ән айтып, би билеңіз!

Сиқыршы: Бұл мерекенің аты қандай?

Балалар: Жаңа жыл!

Сиқыршы: Ол қайдан келді? Мен шынымен білгім келеді, Жаңа жыл дегеніңіз не?

Жүргізуші: Ендеше, біз сізге Жаңа жыл туралы бәрін айтып береміз.

Балалар ортаға шығып Жаңа жыл туралы тақпақтарын айтады.

Айзере: Жаңа жыл,жаңа жыл

Жаңа жылға жаңа жыр

Жасыл шырша жанында

Билеп барлық бала жүр.

Айару: Жаңа жылым мол болсын

Басқан қадам он болсын

Төрле,төрле жаңа жыл

Бізге құтты жыл болсын.

Дарын: Ақ қырауға малынған

Сақалы да мұртты да

Аяз ата сағынған

Сәлем берді жұртына.

Мейіржан:  Оралдың өлкеме,
Жаңа жыл армысың.
Оранды ақ көрпеге,
Асқар тау, қарлы шың.

Муслим: Ақ қырауға малынған
Сақалы да мұрты да.
Аяз ата сағынған,
Сәлем бepді жұртына.

Сиқыршы: Сондықтан мұнда көңілді бола ма? Аяз ата осында келе ме?

Жүргізуші: Иә, Аяз ата келіп барлықтарына сыйлықтар алып келеді. Сондықтан, құрметті сиқыршы бізге көмектесші. Сиқырлы сөздерін айтып Аяз ата бізге тез келсін. Біз оны күтіп отырмыз.

Сиқыршы: Әрине көмектесемін, достар! Бірақ … мен оны білмеймін.

Сіз ол туралы маған айтыңызшы.

Жүргізуші: Аяз Ата кім? Сұраққа жауап берейін! Ол ұзын ақ сақалымен, қызыл мұрынмен, көңілді, мейірімді атамыз. Міне, біздің Аяз Ата!

Сиқыршы: Түсіндім, түсіндім. Ал енді, менің достарым (қалтадан қоңырауды алып көрсетеді). Міне, менің сиқырлы қоңырау. Енді мен оны шақырамын.

Сиқыршы қоңыраумен сылдырлап көңілді әуен ырғағымен залға Сайқымазақ жүгіріп кіреді.

Сиқыршы: Міне, біздің Аяз атамыз!

Жүргізуші: Балалар, бұл Аяз ата ма?

Балалар: Жоқ. Бұл Сайқымазақ!

Сиқыршы таң қалады.

Сайқымазақ: Сәлеметсіздер ме, менің достарым. Иә, мен Сайқымазақпын.

Сиқыршы: Иә. Көріп тұрмын. Сен Аяз ата емессін. Сенің ұзын ақ сақалы жоқ екен. Бізге қалай келдің?

Сайқымазақ: Қоңыраумен сылдырлап сен мені өзін шақырғансын.

Жүргізуші: Сайқымазақ, кәнеки балаларымен ән айтайық.

Ән: Шырша жыры

Жүргізуші: Сайқымазақ, қарашы, біздің балалардың арасында да кішкентай сайқымазақтар бар. Олармен бірге би билейсін бе?

Сайқымазақ: Әрине. Билеуді мен жақсы көремін. Кәнеки, кішкентай сайқымазақтар, ортаға шығып би билейік!

Би «Сайқымазақтар»

Сайқымазақ:  Уақыт келді, кішкентай балаларым. Маған үйге жүгіру керек, мен Жаңа жылға шыршаны безендіремін. Сау болыңыздар!

Бәрі: Сау бол, Сайқымазақ! Жолын болсын! Бізге тағы да қонаққа кел!

Көңілді әуен ырғағымен Сайқымазақ залдан шығып кетеді.

Жүргізуші: Аяз атаның орнына бізге Сайқымазақты шақырдың.

Сиқыршы: Мен бір нәрсені шатастырдым. Кішкентай достарым, маған тағы да көмек беріңдер, Аяз ата туралы тағы не білесіңдер?

Балалар: Біз оны көктемде қарсы алмаймыз, жазда да бізге келмейді. Бірақ қыста ол жыл сайын келеді. Біз оны бірге қарсы аламыз, біз онымен жақсы достасамыз. Бірақ ыстық шайды бермейміз. Өйткені, ол еріп кетеді.

Сиқыршы: Түсіндім, түсіндім! Ыстық шайдан еріп кетеді дейсіңдер ме? Қазір мен сиқырлы қоңыраумен сылдырлап Аяз атаны шақырамын!

Сиқыршы қоңыраумен сылдырлап, залға әуен ырғағымен Аққала кіреді.

Аққала: Wow! Қанша балалар, қыздар мен ұлдар! Сәлеметсіз бе!

Мен орманда жүріп қоңыраудың дыбысын естіп сендерге келдім.

Сиқыршы: Не болды? Неліктен? Мен түкті түсінбедім! Сұраққа жауап бер.

Сен Аяз ата емессің бе?

Аққала: Мүлдем жоқ! Мен Аққаламын! Қардан жасалғанмын!

Жүргізуші: Иә, сиқыршы, сіз тағы да бір нәрсені шатастырып қойдыңыз.

Бірақ қайғылы болмайық! Балалардың биін тамашала.

Би: «Аюлар».

Аққала: Сендермен қалып ойын ойнауға бола ма?

Жүргізуші: Әрине, Аққала! Біз тек қана қуанамыз!

Аққаламен ойын.Кім шапшан.Қар лақтыру

Аққала: Ойындар өте көңілді! Сендерге келгеніме өте қуаныштымын, бірақ сендермен қоштасатын уақыт келді. Мені жұмыстар күтіп тұр, достарым. Жолдарды қардан тазартамын. Сау болыңыздар!

Бәрі: Сау бол, Аққала! Бізге тағы да кел!

Көңілді әуен ырғағымен Аққала залдан шығып кетеді.

Жүргізуші: Бүгін біздің мерекемізге қонақтар келіп қызықты ойындар, би

өткізді.

Сиқыршы: Эээх, Аяз ата кайда екен? Оның түрі қандай екен?

Жүргізуші: Балалар, кәне Сиқыршыға көрсетейік Аяз ата қандай екен. Тақтаға пазлдарды дұрыстап іліп, оның суретін көрсетейік.

Ойын «Пазлдарды жина». Балалар үстелден суреттін бөліктерінен Аяз атаның суретін шығарады.

Сиқыршы: Енді түсіндім! Кәнеки, балалар, Аяз атаны бірге шақырайық!

Бәрі: Аяз ата, Аяз ата!

Әуен ырғағымен залға Аяз ата мен Ақшақар кіреді.

Аяз ата: Сәлеметсіздер ме, балалар, қонақтар! Жаңа жыл мерекелеріңіз құтты болсын! Ақшақар: Балалар, шыршаларың неге көңілсіз? Кәне, шыршаның шамдарын жағайық.

Қуант бізді таңырқат!

Шамдарыңды жарқырат!

(Үш рет қайталайды да, таяғымен шыршаны жағады).

Аяз ата: Біз сіздермен шыршаның шамдарың жақтық. Ал енді бәріміз шыршаны айнала тұрып ән айтайық!

Хоровод «Жаңа жыл»

Жүргізуші: Аяз ата, мына орындыққа отырып балалардың саған дайындаған тақпақтарын тында.

Балалардың тақпақтары.

Сұңғат: Безендіріп шыршаны

Жыл қуантты баршаны

Той маскарад басталды

Аяз оны басқарды

Аяла: Аяз ата келіп тұр

Бізге сәлем беріп тұр

Сақалының ұзыны-ай

Кесіп алсам шіркін-ай!

Расул: Аппақ тонға оранып

Базарлықты мол алып

Келді алыс сапардан

Аяз ата оралып

Нурислам: Тілеймін мен бар әлемге
Дос көп болсын жаңа-жыл
Ата-әже, ата-әже
Құтты болсын жаңа жыл

Фариза: Келді тағы жаңа жыл
Қуантумен біздерді
Құтты болсын жаңа жыл,
Құттықтаймыз сіздерді!

Айлин: Ақ қар жапты даланы

Ақ жамылды айнала

Жарқыратып шамдарын,

Шырша келді ортаға

Ата-аналармен ойын «Пима»
Шарты: 2 ойыншы екі сыңарды бөліп алады. Біреуі оң, біреуі сол аяғынікін киеді де, әуенмен билеп, шыршаны айналып, ортаға бірінші жету қажет.
(алдымен ата — аналар, содан соң балалар).

Аяз ата: Уф, залдың іші ыстық екен. Ой! Мен еримін деп қорқамын!

Ақшақар: Сиқыршы, көмектесші Аяз атаға!

Сиқыршы: Аяз ата, қорықпасын.

Аспаннан тез қар жаусын!

Ақшақар ұлпақарлармен би билейді «Ұлпалар»

Аяз ата: Рахмет, менің қымбатты достар! Ал, менің кішкентай достарым, өкінішке орай менің кететін уақыт келді.

Жүргізуші: Аяз ата, ал біздің сыйлықтарымыз ше?

Аяз ата: Туу, менің тесік басым-ай! Сыйлықтарды беруге ұмытып бара жатырмын. 1, 2, 3, 4, 5-Аққала бізге сыйлықтарды әкеліп берсін!!!

Әуен ырғағымен залға Аққала шанамен кіреді де Аяз атаға сыйлықтарды береді. Аяз ата, Ақшақар балаларға сыйлықтарды таратып береді.

Аяз ата: Міне, Жаңа жыл мерекесін біз аяқтауымыз керек! Барлықтарына үлкен қуаныш, бақыт, зор денсаулық тілеймін! Жаңа жылдарыңызбен!

Сиқыршы: Енді келесі жылда біз Аяз атамен бірге сендерге келеміз! Сау болыңыздар!

Әуен ырғағымен Аяз ата, Сиқыршы, Ақшақар залдан шығып кетеді.

Жүргізуші: Құрметті қонақтар, балалар, осымен біздің мерекеміз аяқталды! Сіздерді келе жатқан Жаңа жылмен шын жүректен құттықтаймын! Жаңа жыл тек бақыт, қуаныш әкелсін! Сау болыңыздар! Келесі кездескенше! Қатысушыларды грамотамен мадақтау!