«Білім мен ғылымды ұштастыра білген – тұлға»

 Камиева (Уразгалиева) Алмагуль Акбулатовна 1980 жылы 7 шілдеде Батыс Қазақстан облысы, Бөрлі ауданы, Ақсай қаласында дүниеге келген. 1997 жылы Тихоновка ауылының мектебін бітіріп, М.Өтемісов атындағы Батыс Қазақстан мемлекеттік университетіне «Туризмдегі Экономика және менеджмент» мамандығына оқуға түсіп, 2002 жылы жоғарыда аталған білім беру мекемесін үздік бітірді. Сол жылы Қазақстан инновациялық және телекоммуникациялық жүйелер университетіне жұмысқа кіреді. ЖОО-да жұмыс істей жүріп 2007-2009 ж.ж. «Батыс Қазақстан инженерлік-гуманитарлық университеті» ЖМББМ экономика ғылымдарының магистрі академиялық дәрежесін алды.

2010 жылы «Педагогика» мамандығы бойынша Трапезников атындағы Мәскеу институтының аспирантурасына түсіп, 2013 жылы педагогика ғылымдарының кандидаты ғылыми дәрежесін алды. 2015 жылдан бастап университеттің бірінші проректоры қызметін атқарады.

Камиева Алмагул Акбулатовна басқарудың креативті стилімен жаңа формацияның жетекшісі, Қазақстан Республикасының Ғылым және білім беру саласындағы негізгі мемлекеттік бағдарламаларды жүзеге асыру бойынша тиімді жұмыс жүргізеді. Алмагүл Акболатовна халықаралық ғылыми байланыстарды және университеттің профессор-оқытушылар құрамының, студенттері мен магистранттарының академиялық ұтқырлығын дамытуға елеулі үлес қосуда. Университет қызметіне ғылыми-зерттеу жұмысының барлық озық әдістерін белсенді енгізді және ғылымды дамыту мен жетілдіру үшін материалдық-техникалық және эксперименттік-өндірістік базаларды кеңейтуде жұмыстар жүргізуде. Үлкен практикалық маңызы бар жаңа технологияларды тиімді әзірлейді және енгізеді. Алмагүл Акболатовнаның басшылығымен барлық озық ғылыми-техникалық шешімдер іске асырылуда.

«Студенттік конструкторлық бюро» және бірқатар зертханалар ашылды, атап айтқанда: «Виртуалды шындық зертханасы», «3D модельдеу зертханасы», онда университеттің студенттері мен магистранттары ғылыми зерттеулер жүргізеді, «Нейроинтерфейстехнология» саласында бағдарламалық қамтамасыз етуді дайындайды. Еуразиялық экономикалық одақты дамыту шеңберінде А.Камиева университет жанынан «Тұрақты инновациялық даму мектебін» және «Ноосфера»студенттік ғылыми-зерттеу технопаркін ашуға бастама жасады. «Дубна» халықаралық мемлекеттік университетімен бірлесіп «Еуразиялық ғылыми жаңалықтары» халықаралық электрондық журналы ашылды.

Тиімді академиялық ғылыми алмасудың нәтижесі оның Ресей жаратылыстану ғылымдары академиясының президиумында академияның шетелдік мүшесі болып сайланды. Оның жетекшілігімен университет Ресей Федерациясының, Белорусь Республикасының, Болгарияның, Польшаның, Чехияның және Латвияның жетекші жоғары оқу орындарымен ғылым және білім беру саласында ынтымақтасады. Ғылыми ынтымақтастық және практикалық тәжірибе алмасу шеңберінде университеттің кіші ғылыми қызметкерлері мен магистранттары Ресей Федерациясының жетекші жоғары оқу орындарында ғылыми тағылымдамадан өтеді.

2015 жылы Алмагуль Акболатовна Ч.Храбра атындағы Варна еркін университетінің (Болгария) докторантурасына «Менеджмент» мамандығы бойынша оқуға түседі. Ол профессор П.Павловтың жетекшілігімен «әкімшілік және басқару» 3.7 бағыты бойынша «доктор» білім беру және ғылыми дәрежесін беру үшін «Қазақстан Республикасының индустриялық секторындағы шетелдік инвестицияларды басқарудың инновациялық саясаты мен тәсілдері» тақырыбында докторлық диссертация дайындады. 2017 жылдың тамыз айында докторлық диссертация қорғады. Еуропалық Одақтың ғылым докторларының тізіміне енгізілді.

А.Камиева «Дубна» университетінде «жобалық басқару менеджменті» дайындық бағыты бойынша магистратураны аяқтайды. Ол 60-тан астам мақала, 5 монография, 7 оқу құралы, оның ішінде 2 мақала Scopus халықаралық рецензияланған журналдарында дайындап, жариялады. Қазіргі таңда Камиева А.А. Қазақстандық инновациялық және телекоммуникациялық жүйелер университетінің цифрландыру жөніндегі проректоры қызметін атқарады. Алмагүл Акбулатовна ЖОО-да Ғылым мен білім беруді дамытуда барлық озық инновациялық әдістерді белсенді енгізуде.

Оның басшылығымен университет ғылым және білім беру саласындағы жобалар мен гранттарға белсенді қатысады. Оның басшылығымен жобалардың бірі гранттық қаржыландыру бойынша конкурсқа қатысу үшін ғылым қорына жіберілді. 2017 жылы «Ғылым қоры» АҚ-на «виртуалды Білім беру ортасы: профессор-оқытушылар құрамының ақылды жұмыс орындары» жобасына гранттық қаржыландыру бөлінді (КазУИТС мысалында). «UNIWEB» сандық платформасының жетекшісі болып табылады.

Іргелі және қолданбалы ғылымдар саласындағы ерекше еңбегі, озық техникалар мен технологияларды жетілдіру, ғылыми-техникалық бағдарламалар мен жобаларды іске асыру, еңбек нарығында сұранысқа ие жоғары білікті ғылыми кадрларды даярлауда ғылыми-зерттеу жұмыстарын жетілдіру үшін марапаттарға ие болды:

1. ҚР Президенті Н.Ә.Назарбаевтың Алғыс хатымен,
2. «Нұр Отан» партиясының Алғыс хатымен»,
3. Қазақстан Республикасы Білім және ғылым министрлігінің Алғыс хатымен,
4. «Алтын Белгі» төсбелгісімен,
5. «Қазақстан Республикасының ғылымын дамытудағы еңбегі үшін» төсбелгісімен,
6. 2018 жылы Ресей жаратылыстану ғылымдары академиясының корреспондент мүшесі болып сайланды,
7. РЖҒА Президиумының шешімі негізінде Академия жұлдызы РЖҒА Құрмет белгісімен марапатталды.

Алмагүл Акболатовнаның жетекшілігімен Қазақстан Республикасы Білім және ғылым министрлігінің «виртуалды Білім беру ортасы оқытушылар мен студенттердің ақылды жұмыс орындары» атты сандық университет тақырыбында университеттерде цифрландыруды дамыту грантын жеңіп алды. 2018 жылы Білім және ғылым министрлігі, Халықаралық ғылымометриялық базалардың үйлестірушісі болып тағайындалды. Портфолиосында 50-ден астам сертификаттар мен біліктілікті арттыру туралы куәліктер бар, оның 25 жақын және алыс шетелдерден.

«Ұстаздан шәкірт озар жарысқанда» демекші, осындай білім мен ғылымды ұштастыра білген – тұлғаның біздің мектебіміздің түлегі болып, келешек ұрпаққа үлгі болатынына қуанамыз.

РАУШАН КЕНИСАРИЕВА,
«Қарақұдық «мектеп-бөбекжай-балабақша» кешені»
Директордың тәрбие ісі жөніндегі орынбасары
БҚО, Бөрлі ауданы