Білім айнасы газеті Республикалық газет 
Қазақ мәдениетінде қазақ әйелдері өздерін қоғам мүшесі ретінде өзін-өзі дамытуға мүмкіндігі болды. Қазақ елінің тарихында Домалақ, Қызай, Данай сынды абыз аналарымыз рулы елдің ынтымағына, ілім-өнегесіне қызмет етті. Еліміздің тарихи ұрпақтар сабақтастығын жалғастырып жүрген нәзікжандылардың рөлі ерекше. Біріккен Ұлттар ұйымының шешімімен 11-ақпан күні Ғылымдағы әйелдер мен қыздардың халықаралық күні болып жарияланған. Осынау атаулы күн қарсаңында Академиядағы ғылым саласына еңбегі сіңген әйел ғалымдар жетерлік.
Халықаралық деңгейдегі маңызды мереке күніне арналған жиында Ы.Алтынсарин атындағы Ұлттық білім академиясының инклюзивті білім беруді дамыту орталығының қызметкерлері ЮНЕСКО-ның ғылымдағы әйелдер мен қыздардың халықаралық күніне орайластырылған «Ғылымдағы әйел адамдар: бейбітшілік, руханият және жасампаздық үшін» ашық дәрісіне қатысты.
Дәріс Modern Education & Research Institute зерттеу институты (Бельгия), Л.Н. Гумилев атындағы Еуразия Ұлттық университеті, Өзбекстан Республикасының жоғары және орта арнайы білім министрлігі. Құттықтау сөздерімен дәрісті Өзбекстан Республикасының Бельгия корольдігіндегі өкілі Дильёр Хакимов, Еуропалық Одақтың төменгі Аустриядағы (Аустрия) үкіметінің өкілі Виктор Ваугоин ұйымдастырушылары.
Дәрістің спикерлері әртүрлі елдердің ғалым әйелдері болды, олар өздерінің ғылымдағы жетістіктерімен бөлісті. Қазақстандағы ғалым әйелдердің атынан Л.Н. Гумилев атындағы ЕҰУ ғылым және инновация жөніндегі проректоры, т.ғ.д. Гульнара Мерзадинова, т.ғ.к., PhD, Брюнель университетінің (Ұлыбритания) докторантура түлегі Асель Сарсембаева және бірқатар ғалымдар сөз сөйледі. Дәріске қатысқан ректорлар ғылымның әртүрлі саласындағы әйел адамдардың рөліне, ғылымдағы гендерлік дискриминация мәселелеріне назар аударды.
Ы.Алтынсарин атындағы ҰБА
Орта білім беру орталығының
аға ғылыми қызметкері:
Эльмира Сұлтанбаева
