Білім айнасы газеті Республикалық газет 
Жақында Наурызбай ауданы Нұрбала бөбекжай-балабақшасында 8 наурыз Халықаралық әйелдер күніне орай «Қаршақызға арналған көктемгі сыйлық» тақырыбында мерекелік кеш ұйымдастырылды. Кеште бүлдіршіндер «Қаршақызбен 7 ергежейлі» ертегісінен көріністер көрсетіп, Қаршақыздың, ергежейлердің, ару көктемнің, мысықтардың, батыл теңізшілердің рөлін сомдады. Ертегі соңында теңізшілерге жолыққан 7 ергежейлі Қаршақызға алтын балықты ұсынды.
Сондай-ақ шара барысында би билеп, ән айтып, өлең оқыды. Бұдан бөлек, кеште ата-аналармен ойындар ойнатылды. Ата-аналар қолдан бұйым жасап, сайысқа түсіп, жеңімпаздар сыйлықпен марапатталды.
Кеш соңында тәрбиешілер хормен ән айтып, айтты. Балабақша меңгерушісі Алия Байбосынова келген ата-аналарға өз алғысын білдірді.
«Bilim ainasy»,
Гүлдана Исаева,
Алматы қаласы
