Адам папилломавирусы

Адам папилломавирусы (АПВ) — вирустық ауру. Оған барлық адамдар тап болады. Оның 120-дан астам түрі сипатталған, олардың 15-і онкогенді және қатерлі ісік тудыруы мүмкін. Басқалары онша ауыр емес көріністерді тудырады: сүйелдер, кондиломалар және папилломалар өсуі мүмкін. Түріне байланысты вирус ауыз қуысының, көмейдің, жыныс мүшелерінің, анустың, қол мен табанның терісіне әсер етеді.

АПВ инфекциясы. Ауру асимптоматикалық болып табылады. Иммунитеттің кез-келген төмендеуі немесе гормоналды өзгерістер қандағы вирустың белсендірілуіне ықпал етеді. Әдетте ерлер мен әйелдердің жыныс мүшелерінде папилломалар немесе жыныс мүшелерінің сүйелдері пайда болады. Бірақ HPV қауіпті, өйткені әйелдің денесінде ұзақ уақыт болған кезде жатыр мойны обырының даму қаупі артады.

АПВ алдын алу жолдары:

• Жыныстық қатынаста тек бір жыныстық серіктес болғаны дұрыс. Бұл әдіс жыныстық жолмен берілетін барлық инфекциялардан, оның ішінде АПВ-дан қорғауға мүмкіндік береді.
• Тосқауыл контрацепциясын қолдану – жеңіл, қолжетімді, бірақ әрқашан инфекциядан 100% қорғай бермейді. Науқас тіпті зақымдалған теріге тиген кезде де вирус жұқтыруы мүмкін.
• Мерзімді профилактикалық тексерулер. Қыздар гинекологиялық тексеруден тұрақты түрде өтуі керек. Осылай аурудың алғашқы белгілерін анықтап, оны емдеуді уақтылы бастауға болады.
• Вакцинация – тиімді және ыңғайлы профилактикалық әдіс! Вакцинация ерлерге де, әйелдерге де жасалуы мүмкін. Ғалымдардың пікірінше, 11-13 жас аралығындағы қыздарды вакцинациялау жатыр мойны обырының даму қаупін 90% — дан астамға төмендетеді.

ҚР Денсаулық сақтау министрлігінің мәліметі бойынша 2024 жылдың қыркүйегінен бастап 11 жастағы қыздарды АПВ жоғары онкогенді түрлеріне қарсы 4 валентті вакцинамен егу жоспарлануда. АПВ вакцинасы 6 айлық аралықпен 2 рет егіледі. АПВ-ға қарсы 2 валентті вакцина 16, 18 типті антигендерінен және 4 валентті вакцина 6, 11, 16, 18 типті антигендерінен тұрады. Қолданыстағы вакциналардың тиімділігі өте жоғары.
Адам папиллома вирусына қарсы вакцинациялау ҚР Ұлттық егу күнтізбесіне енгізілді, екпе ата-аналардың ақпараттық келісімімен, тегін жүргізілетін болады.
Айта кету керек, АПВ вакцинасын әлемнің 110-нан астам елінде, оның ішінде Өзбекстан және Қырғызстан Республикалары сияқты көршілес елдерде егуде.

Алатау ауданы санитариялық-эпидемиологиялық бақылау басқармасының басшысы:
Сисенов Дархан Алдонгарович.

Алатау ауданы санитариялық-эпидемиологиялық бақылау басқармасының СГБ ж/е ҚТРБ бөлімінің жетекші маманы:Мустафаева Айгерим Манасовна.