Білім айнасы газеті Республикалық газет 
Жуырда Алматы қаласы, Жетісу ауданы № 102 мектепте жалпы ата-аналар жиналысы өтті. Мектеп директоры Кержикеева Данагуль Рысбаевна: «Жиналыстың мақсаты : Ата-аналарды мемлекеттік білім беру саясатының бағыттары, орта білім беру жүйесінің жетістіктері туралы хабардар ету және мектепті басқаруда педагогтар мен ата-аналардың күш-жігерлерін біріктіру»- деді. Айта кету керек, ата-аналар жиналысы Халықаралық отбасы күніне арнайы жоспарланды. Қоғам үшін маңызды жиналыстың рөлі де жоғары болып тұр. Жиналысқа қатысушылардың қатарында : ата-аналардан бөлек, жергілікті өкілдік және атқарушы органдардың өкілдері, демеушілер мен меценаттар болды.
Ата-аналар жиналысында мына мәселелер қарастырылды:
- «Жыл табысы»республиканың,өңірдің мектептің білім беру жүйесіндегі жетістігі:
- Мектеп оқушыларын тәрбиелеудің негізі ретінде «Рухани жаңғыру»бағдарламасын іске асыру.
- 11-сынып білім алушыларын қорытынды аттестаттау және оқу жылының қорытындылары;
- Оқу процесін цифрландыру
- Мектептің қамқоршылық кеңестерінің қызметі және отбасы мен мектептің өзара іс-қимылын күшейту.
2017-2018 оқу жылында Кіші бағдарламаны іске асыру шеңберінде өңір және мектеп қызметімен ата-аналарды таныстырды.Сонымен қатар, «Тәрбие және білім» кіші бағдарламасының өңірлік және жобалық офисінің өкіліне сөз берілді.Аталған тақырыптар бойынша бейне роликтер көрсетілді. Мектептің жеткен жетістіктері көңіл толарлық.Ата-аналар бұған өз көздерімен куә болып қайтты.Алдағы жылдардан әлі де үлкен үміт күтетіндерін айтты.Иә, Мемлекетіміздің жарқын болашағы-жастардың қолында,білім айнасы ұжымы да бұған тілектес.
Жадыра БАҒАШАР
Алматы қаласы
«БІЛІМ АЙНАСЫ»
