Үй жануарлары

Акишева Жансая Асановна

Астана қаласы, Н.Әбдіров атындағы

№33 «Балабақша-бастауыш мектеп»

 кешенінің тәрбиешісі

Білім беру саласы: қатынас.

Ұйымдастырылған оқу іс-әрекет түрі : тіл дамыту.

Мақсаты: үй жануарлары туралы білімдерін бекіту. Жануарларды өзгешеліктеріне байланысты салыстыра .білу.

Дамытушылық: балалардың сөздік қорын дамыту.

Тәрбиелік: үй жануарларын күтуге, қорғауға тәрбиелеу.

Көрнекілік: үй жануарларының суреттері, слайд, аудиотаспа.

Әдіс-тәсілі: көрсету, түсіндіру, сұрақ-жауап, сергіту сәті, қорытынды.

Тәрбиеші: — Балалар, қане бәріміз қолдарымыздан ұстап, шеңберге тұрамыз.

Шаттық шеңбері

Бала-баба баламыз,

Бақшамызға барамыз.

Күні бойы қызыққа ,

Батамызда қаламыз.

Тәрбиеші: — Балалар, айта қойыңдаршы, қазір жылдың қай мезгілі? (Қыс)

— Қыс мезгілі неше айдан тұрады? (төрт айдан тұрады)

(есік тырсылдайды)

Тәрбиеші: — Балалар тыңдаршы, біреу есік ағып тұрған сияқты?

Балалар барлығы есікке қарап таңырқап отырады.

(Дымбілмес кіреді)

— Балалар, бізге қонаққа Дымбілмес келіпті онын көңіл-күйі жоқ сияқты қане Дымбілмес төрлет біздің сабағымызға қатыс.

— Балалар қане қонақпен амандасайық.

Дымбілмес: — Мен ауылдан келдім онда көп үй жануарлары бар екен, бірақ мен олардың аттарын, төлдерін білмейді екенмін бәрі мені Дымбілмес деп мазақтады.

Тәрбиеші: — Балалар біз Дымбілмеске көмектесеміз бе?

Ойын «Даусынан таны»

Шарты: Үнтаспадан жануарлардың даусын салады.

— Балалар үй жануарларына қандай жануарлар жатады?

— Үй жануарлары қайда жүреді? — Орманда ма, үйде ме?

— Балалар оларды неге үй жануарлары деп атаймыз

Дидактикалық ойын : «Жануарларды төлдерімен топтастыр»

Тәрбиеші: — Балалар, үй жануарларының адамзатқа қандай пайдасы бар? (балалардың жауабы) Олар ет, сүт береді, атты көлік ретінде пайдаланады.

— Балалар, сендер жануарлардың адамзатқа қандай пайдасы бар екенін білдіңдер, олардың пайдасы өте көп екен, сондықтан да жануарларды қорғау керек.

Сергіту сәті: «Жануарлардың қимылын салу»

Тәрбиеші: — Қане балалар, бойымызды сергітіп алайық. Бәріміз орнымыздан тұрып, қимылды қайталаңдар.

Дымбілмес: — Балалар сендерге көп рахмет! Мен сендерден өз сұрақтарымның жауабын алдым. Енді үй жануарларын да, олардың

қалай аталатынын үйрендім. Көп-көп рахмет! Енді менің кететін уақытым болды. Сау болыңдар!  (шығып кетеді).

Күтілетін нәтиже:

Біледі: үй жануарларын ажырату және олардың төлдерін атай білу.

Игереді: үй жануарларың пайдасы қандай екенін.

Меңгереді: үй жануарларың адамдар үшін көп пайдасы бар екенін және болардың төлдерін атай білуді