Білім айнасы газеті Республикалық газет Қазақ халқы «қыз» деген сөздің өзін әдеміліктің, әдептіліктің, инабаттылықтың, сұлулықтың белгісі деп таныған. Қыздарымыз ең бірінші тәрбиені үйде анасынан, сосын оқыған мектебінен алады емес пе?! Қыз тәрбиесіне байланысты «Қыз тәрбиесі – ұлт абыройы» тақырыбында «Қақпақ» жалпы орта мектебінде керемет іс-шара болып өтті. Сайыс 8-10 сыныптар оқушыларының арасында өтті. Сайысқа қатысушы қыздарымыз жан-жақты дайындалып келген екен.
6 бөлімнен тұратын бұл сайыста «Ас адамның — арқауы» бөлімі қызықты өтті. Қыздардың ептіліктіліктерін, тапқырлығы мен білімділігін сынайтын осындай байқаулардың болып тұрғаны қандай жақсы. Әділ-қазылар алқасы әділ бағаларын беріп, сайыс қорытындысы бойынша 3-орынды Оңғарбай Сара, 2-орынды Әлімбек Жайна мен Кенжетаева Аманкүл, 1-орынды Сейсен Шұғыла, ал 9-сынып оқушысы Құдияр Ақжүніс бас жүлдені иемденді. Сөз соңын Елбасымыздың «Әйел – бесік иесі. Демек әйелдің жайы түзелмей, бесігіміз түзелмейді, бесігіміз түзелмей – еліміз толық түзелмейді» деген пікірімен қорытындылағым келіп отыр. Қаракөздеріміз бұрымды шашымен, инабатты мінезімен, ақылдылығымен, кіршіксіз арымен әрқашан басқалардан ерекшелене білгей.
Жанерке Абуева,
ОҚО, Қазығұрт ауданы,
«Қақпақ» жалпы орта мектебінің кітапханашысы
