Рухани жаңғыру – ұлттың ұлы мұраты

Қазақстан Республикасының Тұңғыш Президенті Н. Ә. Назарбаевтың «Болашаққа бағдар: Рухани жаңғыру» мақаласы дүйім жұртшылық арасында қызу талқыға түсіп, бүгінгі күнде барлық саланы қайта жаңғыртуға себепкер болып отырғаны ақиқат. Елбасының осы мақаласы аясында көтерілген мәселелерді жүзеге асыру мақсатында Алматы қаласы, Алатау ықшамауданының №7 жалпы білім беретін мектебінде театр өнері үйірмесінің жетекшісі Уәлиева Гүлмира Нығметжанқызының ұйымдастыруымен өтетін драматург           Георгий Хугаевтың «Қара шекпен» спектаклі көрерменге ұсынылды. Қойылым достық пен махаббат, адамгершілік пен сатқындық және адалдық атты сезімдердің адам өміріндегі алар рөлін баяндайды. Аталмыш шараға Қазақстан Республикасының театр қайраткерлері одағының мүшесі, актер, өнер мамандығы бойынша тұңғыш PhD докторы, Т. Жүргенов атындағы Қазақ Ұлттық Академиясының профессоры Қожамберді Ордабек Заманбекұлы оқушылардың өнерін тамашалап, өзінің жоғары бағасын берді. Өнерлі өрендердің талабына тәнті болған қоғам қайраткері мектеп басшысына, көрермен қауымға ризашылығын білдірді. Өз кезегінде көрермендер де өздерінің қошеметін ұзақ соққан шапалақтары арқылы көрсетіп, ризашылықтарын білдіріп тарасты. Оқушылар да бар шеберліктерін салған қойылымдарының көрермен жүрегіне жол тапқанына дән риза болды.

Ф. Мұхамеджанова,

Алматы қаласы №7-жалпы білім

беру мектебінің мұғалімі