Білім айнасы газеті Республикалық газет «Өрлеу» БАҰО» АҚ филиалы Қостанай облысы бойынша ПҚ БАИ «Рухани жаңғыру» бағдарламасын жүзеге асыру шеңберінде жалпы білім беретін мектептердің география мұғалімдері мен оқушыларға арналған экологиялық тақырыптағы «Қазақстан балалары шектеусіз әлемде» байқауын өткізді.
Ісшара балалар мен балалардың экологиялық маңызды бастамаларын жүзеге асырумен айналысатын мұғалімдердің мүмкіндіктері және шығармашылық әлеуетін көрсету мақсатында өткізілді.
Байқауға туған өлкенің экологиялық тақырыбына қатысты бейнероликтер, туған өлкенің экологиясы туралы документалды фильмдер, әлеуметтік-экологиялық жарнамалар ұсынылды. Байқаулық жұмыстар идеяны жүзеге асырудың ерекшелігі; сюжетті жүзеге асырудың бірегейлігі; шығармашылық амал бойынша бағаланды.
Ісшараны өткізу шеңберінде мұғалімдер мен балалардың зияткерлік және шығармашылық әлеуетін дамыту үшін жағдай жасау; қоршаған ортаны қорғау саласында азаматтардың белсенді ұстанымын қалыптастыру; туған өлкенің экологиялық мәселелерін шешу жолдарын іздеуге қатыстыру; өскелең ұрпақты жасампаздық және жағымды қызметке тарту үшін жағдай жасалды.
Арт-жобаға ұсынылған материалдар интернет дауыс беру үшін филиал сайтына орналастырылды, интернет дауыс берудің нәтижесінде келесі жеңімпаздар анықталды:
І орын — Алпысбаева Гульжан Саркеновна, Қостанай қаласы әкімдігі білім бөлімінің №2 мектеп-лицейі; Конурбаева Дамели Абдильдиновна, Данил Руш, Қостанай ауданы «Совхозный орта мектебі» ММ;
ІІ орын — Кузвесова Екатерина Михайловна, Мурадов Алишер, «Жітіқара ауданы әкімдігінің білім бөлімі» ММ «№ 3 орта мектебі» КММ; Сидельник Галина Анатольевна, «Қостанай қаласы әкімдігі білім бөлімінің №3 мектеп-лицейі» ММ;
ІІІ орын — Кистаубаева Сауле Каримовна,Мұратбаев Ержан, Қостанай облысы Рудный қаласы «№7 мектеп-гимназиясы»КММ.
Байқаудың басқа қатысушылары сертификаттарға ие болды.
Құттықтаймыз!
Кожаниязова А.Е.,
«Өрлеу» БАҰО» АҚ филиалы Қостанай облысы бойынша ПҚ БАИ
ББҮППҚ кафедрасының аға оқытушысы
