Білім айнасы газеті Республикалық газет М. Катаев атындағы облыстық Оқушылар сарайының робототехника үйірмесінің тәрбиеленушілері «KazRobotics 2017» атты Халықаралық робо-фестивалінде жүлделі орынға ие болды.
Халықаралық робо-фестивалі Ақтөбе қаласында 6-7 қазан аралығында өткен болатын. Оқушылар сарайының жас роботқұрастырушылары Женя Потапов пен Елнұр Елтай Павлодар облысының құрамасында болып, «кегельринг-квадро» санатында үшінші орынға қол жеткізді.
Жас инженерлер үшін аталмыш шараны ұйымдастырып отырған «KazRobotics» Қазақстан білім және спорт робототехника федерациясы еді.
— 19 мамыр күні, Павлодар қаласында өткен іріктеу кезеңінде Женя мен Ернұр өз санаттарында жеңімпаз атанған болатын. Бұл жеңіс арқылы олар облысымызды Халықаралық деңгейде таныстырды, — деп түйіндеді робототехника үйірмесінің жетекшісі Евгений Вазиянов.
Асем Аипова,
М. Катаев облыстық Оқушылар
сарайының әдіскері
Павлодар қаласы
