Білім айнасы газеті Республикалық газет Ашық сабақтар – педагогтың кәсіби құзіреттілігін арттырудың маңызды бір түрі болып саналады. Ашық сабақтың күнделікті сабақтан айырмашылығы – бұл әдістемелік жұмыстың арнайы дайындалған түрі, сонымен қатар, мұндай сабақтың барысында «шынайы» оқу үдерісі жүргізіледі. Әдістемелік тәсілін немесе оқыту әдісін қолдану. Бұл мағынада ашық сабақ позитивті немесе инновациялық тәжірибені таратудың бір құралы болып табылады.
2018 жылы «Өрлеу» БАҰО АҚ филиалы Қарағанды облысы бойынша ПҚ БА институты Балқаш қаласында «Оқытудың білімдік нәтижелеріне жету сапасын бағалау бойынша мұғалімнің кәсіби құзыреттіліктерін дамыту» тақырыбында жаратылыстану математика пәні мұғалімдеріне арналған біліктілікті арттыру курсының көшпелі практикалық сабақтарды өткізу барысында тыңдаушылар №1 ЖББОМ базасында О.Н. Клементьеваның (7 сынып «Языки программирования») мұғалімнің тәжірибесін зерттеді.
Тәжірибелік сабақ әрбір оқушыны оқу үдерісіне, зерттеу дағдыларына, диалогтық оқыту әдістеріне, оқу жетістіктерін критериалды бағалау тәсілдеріне және командада жұмыс істеуге қабілетті болуына бағытталған. Ашық сабақтың соңынан қатысушылар нақты жағымды сәттерді анықтап, оқу үдерісінің сапасын жақсарту бойынша ұсыныстарға сараптама жасады.
Қалай дұрыс мақсат қою? Осы мақсаттарға қалай жұмыс істеуге болады? Оларға жету үшін тиімді құралдар қандай? — физика пәнінің мұғалімі Адрейсова Г.А. жүргізген «Нақты мақсат – нақты әдіс – нақты нәтиже» тақырыбындағы коучингте осындай мәселелер талқыланды.
Педагогтардың кәсіби қарым-қатынасқа түсуіне, өзін-өзі жетілдіруге, шығармашылық әлеуетінің өсуін ынталандыруға жағдай жасау мақсатында, коучинг төрт кезең бойынша жүргізілді, олардың әрқайсысы тұрақты нәтижеге жету үшін аяқталуы керек:
- Мақсат қою.
- Мақсаттың шын екендігін тексеру.
- Мақсатты іске асыру жоспарын жасаңыз, оған жету жолдарын қамту керек.
- Мақсатты дереу іске асыру.
Тыңдаушылардың айтуынша, коучинг мұғалімдердің кәсібилігін дамытудың жақсы тәсілі болып табылады, ол тек дамуға, жақсартуға, алға басуға, ең жақсы жолдарды табуға дайын адамдар үшін тиімді.
Көшпелі практикалық сабақтар нәтижесінде қатысушылар осындай іс-шараларды өткізу мұғалімдердің кәсіби өзін-өзі оқыту тиімділігін арттыруға, сабақтардың сапасын жоғарылатуына және тиімді педагогикалық тәжірибені таратуына жағдай жасайтынын атап өтті.
С. Ташетова,
БжБС кафедрасының аға оқытушысы
Ж. Рахимова,
Абай атындағы №2 лицей КММ физика пәні мұғалімі
