Білім айнасы газеті Республикалық газет Кәсібі мен өміріне осындай қағиданы арқау еткен №5 колледждің «Ғылыми – жаратылыстану » оқытушылары қызметі мен өнерлерінің өрісін кеңейтіп жүр. Бұл сөзіме арқау болатын Оңтүстіқ Қазақстан Облысының білім басқармасының әдістемелік кабинеті ұйымдастырған «Үздік әдістемелік бірлестік жетекшісі — 2017» сырттай байқауына атаулы бірлестік жетекшісі Токеева Лаура Рыстаевна қатысып, ІІ дәрежелі жеңісті орынды иеленді. Бұл жеңіс «Ғылыми — жаратылыстану» әдістемелік бірлестік үшін бірінші не соңғысы емес, өйткені қандай байқау болмасын, колледжішілік, облыстық іс-шараларға белсене қатысады.
2017 жылдың 27 ақпанында әдістемелік кабинет жеңімпаз әдістемелік жетекшілерінің жұмысын жариялады. Бұл байқау белгіленген, білім мекемелерінде жүргізілетін әдістемелік жұмыс жүйесінің нәтижесін көрсететін мониторинг бойынша, сондай-ақ бағалау критерийлері бойынша өткізілді.
Алда жеңімпаз әдістемелік бірлестікке және оның жетекшісіне өмірлік бақыт, қызметте шығармашылық табыс, заман ағымына қарай білім беру саласында жаңашыл білікті маман болып өсе беріңіздер деп тілейміз.
А.О. Каликулова
ОҚО, Шымкент қаласы,
№5 колледждің әдіскері
