Білім айнасы газеті Республикалық газет 
Жақында Астана қаласындағы «Жастар» сарайында IV Халықаралық көп жанрлы «Дарындар аралы» балалар мен жасөспірімдер және ересектер шығармашылығының фестиваль-конкурсы өтті.
Байқауға Омбы, Астана, Атырау, Щучинск қалаларының жүзден астам оқушы қатысты. Павлодар қаласынан Құрманғазы атындағы №1 балалар музыка мектебінің екі оқушысы жолдама алды.
Бағдарлама ережесі бойынша қатысушылардың ән айту шеберлігі, дыбыс ырғағының тазалығы мен сапасы, сахналық мәдениеті бағаланды.
Сайыс қорытындысына сәйкес, павлодарлық шәкірттер конкурс лауреаттары атанды. «Моана» мультфильміндегі «Моана» әнін шырқап Токатова Веста I-дәрежелі, ал «Барбарики» репертуарының «Цветик-семицветик» әнін орындаған Ангелина Мартышкина II-дәрежелі лауреат атағын алды.
Жеңімпаздар Мақтау қағаздары және төс белгілермен марапатталды.
Айгүл Молдаш
Білім айнасы
Павлодар қаласы
