Білім айнасы газеті Республикалық газет «Туған жер» арнайы жобасының аясында Ақмола облысы ішкі саясат басқармасының Өңірлік коммуникациялар қызметі облыстағы ең танымал тарихи ескерткіштерді жарықтандыру сериясын жалғастыруда.
Біржан сал Қожағұлұлы (1834-1897) – қазақтың ұлттық музыка мәдениетінің алыбы, шешен айтыс ақыны, композитор, кең дауысты әнші. Біржанның шығармашылық мұрасында жастыққа тән ғашықтық, достық, махаббат сезім-күйлері, серілік, салдықтың салты да, қиянат пен зорлыққа, әділетсіздікке қарсы туған ашу-ыза, қайғы, бәрі де бар. 1950 жылы зиратқа обелиск орнатылған, 1994 жылы қайта қалпына келтірілген. Біржан сал Қожағұлұлының көп шәкірттері болды.
Қорымындағы кешен қайта қалпына келтіруден соң қызыл граниттен жасалған тұтас тікбұрышты обелискінің орнына Біржан салдың жартылай мүсіні орнатылған. Арқалы металл құрылымының жанында – ұлттық киім киген Біржан сал, оң қолы жүрегіне қойылған, сол қолымен домбыраны ұстап тұр. Жартылай мүсін қоладан құйылған (мүсінші Т. Досмағамбетов). Тұтас кешен аумағына шаршы бетон тақталар төселген және төмен өрнек тік қоршаумен қоршалған. Ескерткіш орнатылған алаңқай күлгін мәрмәр тақталармен қапталған. Қабірдің оң жағында орналасқан тік және көлденең бедерлі тақталар және олар орнатылған тікбұрышты алаңқай да осындай тақталармен ескерткішті қабір шынжырлы бағаналарымен қоршалған. Қорымындағы кешен Ақмола облысы Еңбекшілдер ауданының Степняк қаласында орналасқан. Бұл жер дәстүрлі әншілердің, суырып салма ақындардың қажылық ететін орны.
