Білім бәйгесі өтті

«Қазақстан ұлы держава болуы үшін бізге күш-қуатты, мол ақылды да ойлы, дарынды жастар керек» — деген Елбасымыз Н.Ә. Назарбаевтың сөзі әрдайым жадымызда болу керек. Мұғалім — мектептің айнасы, өмір бәйтерегінің тереңге тартқан тамыры. «Ұстазы мықтының ұстанымы мықты» демекші, бүгінгі жылдам дамып, өзгеріп отырған қоғам талаптарына сай, лайықты ұрпақ тәрбиелеу-парызымыз. Білімді ұрпақ қалыптастыра алған мемлекет қана талабы мен талғамы күн санап жоғарылап отырған мына заманның бар қиындығын тізе бүктіріп, әлемді мойындата алады.

Жуырда ғана аудандық білім бөлімі, Оңтүстік Қазақстан облысы білім басқармасының хатына сәйкес, оқушылардың химия пәніне деген қызығушылықтарын арттыру мақсатында 9-11 сынып оқушылары арасында І облыстық Менделеев олимпиадасы аудан орталығында Ш.Қалдаяқав атындағы мектеп-гимназиясында өткізілді.

Аудан бойынша 11 сыныптан-23, 10 сынып бойынша 23, 9 сыныптан-29 оқушы қатысып, өз білімдерін сынады. Нәтижесінде Ш.Қалдаяқов атындағы мектеп-гимназияның 11 сынып оқушысы А.Ыбраева 28 балл, Ы.Алтынсарин жалпы орта мектебінің 11 сынып оқушысы Г.Пәржан 27 балл, С.Әшіров жалпы орта мектебінің 11 сынып оқушысы Д.Жалмырзаева 27 балл, Абай орта мектебінің 11 сынып оқушысы М.Сман 34 балл, Отырар жалпы орта мектебінің 11 сынып оқушысы Б.Сабырқызы 23 балл алып, жоғары нәтиже көрсетті. Оқушыларымыз М.Әуезов атындағы ОҚМУ-нің «Химия және химиялық технология негіздері» кафедрасы өткізген ІІ экспериментальды турға қатысты. «Өркениетке бастайтын жол білімде», — дегендей, ең білімді оқушы ІІ турда жеңімпаз атанып, осы мамандықтың грант иегері атанды.

Қорытындысында ауданымыздан олимпиаданың облыстық кезеңіне қатысқан Ыбраева Аида Ш.Қалдаяқов атындағы мектеп-гимназиясының 11-сынып оқушысы І орынға (жетекшісі Г.Абишева), Абай жалпы орта мектебінің 11-сынып оқушысы М.Сман (жетекшісі А.Дүйсеева) ІІ орынға, Ергөбек негізгі орта мектебін 9-сынып оқушысы Ж.Пазылханова (жетекшісі Г.Шындалы) ІІ орынға және М.Әуезов жалпы орта мектебінің 9-сынып оқушысы А.Тәжітай (жетекшісі Жусипова Ш.) ІІІ орынға ие болды.

Білім нәрімен сусындап, өзгелерден оза шауып, жүлделі орындарға ие болған оқушыларымыз Отырар ауданының атын шығарып өз білімдерінің нәтижесін көрсетті. Бұл оқушыларға алдағы уақытта білім кемесінде жүзіп химия пәні бойынша білімін әрі қарай жоғары деңгейде шыңдап шет елдерде жалғастыруда сәттілік тілейміз.

Жас ұрпақтарды ғылыми-шығармашылық жұмысқа және кәсіби бағдар беруге баулыған ұстаздарына да үлкен алғысымызды айтамыз.

Абдукаримов Бақтыбай,
Отырар аудандық білім бөлімінің әдіскері;

Әбішева Гүлстан,
Ш.Қалдаяқов атындағы мектеп-гимназиясының
химия-биология пәні мұғалімі