Білім айнасы газеті Республикалық газет 
Сәрсенбінің сәтін салып, мектебімізде қазақ тілі және әдебиет апталығының ашылуына орай, айтыскер, ақын Жандарбек Бұлғақов оқушылармен кездесуге келді. Кездесуді «Ана тілін – дана тілім» деп білетін, сөз өнеріне жақын оқушылар қазақ ақындарының тіл туралы өлең-жырларымен ашты. Кездесу барысында оқушылар айтыскердің шығармашылығы мен қазіргі күнгі қызметі туралы, қарсыластары туралы, ақындық шеберлік туралы сан сауалдар қойып, тұшымды жауаптар алды. Кездесудің басында ресми жиынды қаламайтынын ескерткен айтыскер оқушылармен еркін әңгімелесіп, аудиторияға жағымды әсер қалдырды. Жас болса да халықтың адамы екенін танытқан Жандарбекке оқушылар өз ілтипаттарын білдірді. Жандарбек Бұлғақов біздің мектебімізде оқушыларды сөз өнеріне баулуға уәде берді.
Ділдахан Майра,
№77 мектеп-гимназиясының 11 сынып оқушысы
Астана қаласы
