«Алтын күз» ертеңгілігі

Мақсаты: Күз мезгілінің ерекшеліктерін ұғындыру.Күз өнімдерімен таныстыру, олардың ағзаға пайдасын түсіндіру.Балаларға, қонақтарға мерекелік көңіл-күй орнату.Балаларды ән салуға, би билеуге, түрлі іс-әрекеттерге тарту, бейімділіктерін арттыру.Шығармашылық ой-қиялдарының дамуына ықпал ету. Ата-аналар қауымымен тығыз қарым-қатынас қалыптастыру.

Барысы: Зал мерекеге сай безендірілген, балалар «Жапырақтар» биін билеп кіреді.

Арун: Қарсы алайық бәріміз,
Жасымыз бен кәріміз.
Қырдан кепті қыдырып,
Алтын күз бізге нұр төгіп.

Дамия:-Армысыздар, ұстаздар мен ата-аналар, қадірлі қонақтар! «Алтын күз» атты ертеңгілігімізге қош келдіңіздер!

Арун: Балабақшамыздың меңгерушісіГүлбибі апайға сөз береміз

Дамия: Хор: «Осень»

Кірпі келеді: Ой,балалар, мен қайда келіп қалдым? Жаңа ғана орманда саңырауқұлақ теріп жүр едім, бұл қай жақ?

Балалар: Сіз балабақшаға келдіңіз.

Кірпі: Мұнда не боп жатыр?

Балалар: Алтын күз мерекесі болып жатыр.

Кірпі: Мен де мерекелеріңе қатыссам бола ма?

Дамия: Әрине, болады.Біздің балалардың өнерлерін тамашала.

Кірпі: Жарайды!

Арун: Ән салыңдар, күліңдер
Жайнап гүлдей жүріңдер
Күздің тойын тойлайық
Би билейік, ойнайық.

Ән: «Құйшы жаңбыр» орындайтындар: Айша, Димаш

Арун:Теңіздей тербетіле көл бетіне,

Бишілер билеп кетті тербетіле.

Аққудай қалықтаған теңіздегі,

Бишілеріміз өнерлерін көрсетуде- дей отырып, қыздардың орындауында«Қол шатыр» биін қабыл алыңыздар!

Дәмия: Ән: «Күз» Орындайтындар: Дарын, Айбар және Нұрхан.

Дамия: Көрініс:

Дарын: Тоқтаңдар, тоқтаңдар!
Бойымнан әл құрып
Көздерім бұлдырап
Басым айналып барады!

Али: Енді, енді не етеміз?!
Дарынға қалай көмектесеміз?
Нұрхан: Сабыр сақта, саспайық
Дәрігер шақырайық!

Дарын: Жо — жоқ! Дәрігер керек емес!
Қазір өзім тұрамын тез!
Али: Онда дәрі ішіп ал,
Менде міне, көп дәрі бар!
Дарын: Ах!
Бәрі бірге: Дәрігер, дәрігер! («Жедел жәрдем» машинасының дыбысы естіледі. Дәрігер киімін киген бала келеді)
Сабыр: Мені неге шақырдыңдар,
Қандай шағым, арыздар бар?

Нұрхан: Дарынға дәрігерлік көмек керек!

Сабыр: Қазір қарап шығайын,
Неден ауырғанын ұғайын… (Фонендоскоппен кеудесін тыңдайды)
Сабыр: — А — а — а — деп қане, аузыңды ашшы…… (Тексереді)
Тістерің орнында, тамағың іспеген
Қол — аяғың әлсізденген
Қызуың ыстық екен
Білдім, неден ауырғаныңды…!
Жеткілікті мөлшерде ағзаңа
Дәрумендер жетіспеген!
Дарын: Енді не істеймін?
Сабыр: Дәрумендер табиғи болғаны дұрыс,
Көп — көп көкөніс, жемістер жеуге тырыс!..

Али: Қазір күз мезгілі түсті ғой,
Жемістер де, көкөністер де пісті ғой!
Қоймаға қоңырау шалайық
Күз өнімдерін осында алдырайық!
Нұрхан: Дұрыс айтасың! (Қалта телефонымен қоңырау шалады)
— Алло, алло! Қойма ма?
Бізге жемістер мен көкөністер керек
Машинаға тиеп жіберіңіз
Мүмкін болса тезірек!

Нұрислам: Машинаны айдап келеді:(Машинаның дыбысы естіліп, руль ұстаған жүргізуші бала жемістер мен көкөністерді «тиеп» алып келеді)
Бибіайша: Мен — алмамын, алмамын
Таңдандырар бал дәмім
Пісіп толдым, мінекей!

Баптап өсірген бағбаным
Айбар: Мен — өрікпін, өрікпін
Дәміммен тәтті еліттім
Сүйіктімін сәбилерге
Айтпасам да бөліп тым
Сезім: Мені бәрі жүзім дер
Бір — бірлеп дәмдеп үзіп жер
Қызықтырам көркіммен
Қатар — қатар тізілген
Айзере: Мен шиемін, шиемін
Күннің көзін сүйемін
Қажеттімін адамға
Оны жақсы білемін!
Димаш: Мен қиярмын, сәндімін
Салаттардың сәнімін
Дәруменім мол менің
Жегенге қуат сыйлаймын!
Хандаулет: Таңдандырар бәрін
Асқабақпын дәмді
Кептірілген дәнім
Таптырмайтын дәрі!
Нұрислам: Мен картоппын, картоппын
Бір қарасаң — доппын?!
Немен жесең де жағам
Мені қоссаң тәтті болар тағам!
Айша: Менің атым — қызанақ
Тұзды сеуіп молырақ
Банкілерге салыңыз
Аузын мықтап жабыңыз
Тағамға дәм қосамын
Қыста тәбет ашамын
Арун: Бойға қуат нәрі
Таптырмайтын дәрі

Өнімдерді ортаға ала
Тойлайық енді шаттана!

(Кірпі балаларға ойын ойнатады):

Ойын: «Сөз ойла, тез ойла»

Дамия: Ұлдардың орындауында: «Көңілді би»!

Дамия: Ән: Күздің күні тамаша».

Орындайтындар: Али, Хандаулет

Сабыр: Autumn leaves are falling down,

Falling down, falling down,

Autumn leaves are falling down,

Yellow, red, orange and brown
Айзере: The leaves are falling

One by one

Summer`s over

School`s begun

Нұрхан: Тоңазып атырап,
Көп жеміс піседі.
Сарғайып жапырақ,
Саудырап түседі.
Аспанды сұрғылт бұлт,
Жан-жақтан жабады.
Күнбірте суытып,

Жауын көп жауады.

Дамия:Ән «Күзгі  бақ». Орындайтындар: Сабыр, Нұрислам, Арун, Нұрислам
Арун: «Ақжауын» биіДамия: Ән «Дождь», қарсы алыңыздарАрун: Хор:«Келді міне, Алтын күз»(Кірпі балалармен қоштасып шығып кетеді).

Дамия: Құрметті қонақтар, ата-аналар бүгінгі «Алтын күз» — атты ертеңгілігімізді аяқтай отырып, күз берекелі, астықты болсын демекпіз. Арун: Сау болыңыздар, құрметті қонақтар!

Самуратова Гүлжайна Алижанқызы
Қызылорда қаласы
«Нұрбесік» балабақшасы КМҚК-ның
І-санатты тәрбиешісі