Абай — дана

Жүрегінен орын алған талайдың,

Жыры – жақұт, сөзі – үлгі Абайдың.

Айтқан ойы жатқан үлкен дәрия,

Мен Абайды биік шыңға балаймын.

Барлық қазақ жырыңызды жаттаған,

Көкейіне мәңгі құйып сақтаған.

Абай ата, сіз қазақтан шықты деп,

Көкірегімді керіп қойып мақтанам.

Өміріме мен өзіңді үлгі етем,

Алдыңызда бас иемін құрметпен.

Көңілдерге жол тауып жүр ойыңыз,

Шыққаннан соң аппақ, таза жүректен.

Өлең-жыры – жаннан асқан байлығым,

Дұшпаныма қарсы шықсам айбыным.

Өлең-жырды оқығанда шаттанам,

Көңілдегі кетіп барлық қайғы-мұң.

Данышпаным жан бітірген өлеңге,

Сіздің барлық ойларыңыз тереңде.

Өнер алды қызыл тіл деп сайратқан,

Қадіріңізді түсірмейміз төменге.

Өлеңге де әркімнің бар таласы,

Бұл ақындық жолымның бастамасы.

Рухыңызға сыйынып өтер мәңгі,

Мен сияқты қазақтың бар баласы.

Ұлы Абайым, саңылағым, дара тұлғам,

Атыңызды жаздық біз саф алтыннан.

Біздер үшін ұлы ақын мәңгі тірі,

Өлмейтұғын артына сөз қалдырған.

                                                                                            Алтанбаева Айкүнім Серікқызы

Қарағанды облысы «Сәтбаев қаласының

                                                                                             №1 мектеп-гимназиясы» КММ

                                                                                             қазақ тілі мен әдебиеті пәнінің мұғалімі