Home » Жас қалам » Айдана Боранбаева. Жан әкем

Айдана Боранбаева. Жан әкем

 

Отбасымның тірегі бір өзіңсің, жан əкем,

Мұңаймасын ақ жүзің ешқашан да, жан əкем,

Ерке қызың ақтай алар өзің артқан үмітті,

Уайымдама, алаңдама біз үшін, жан əкем.

 

Қатал мінезің бойыңда көрінгенмен, жан əкем,

Мейірімділікті көзіңнен көргем сенің, жан əкем,

«Жалғыз қызым, еркем» деп маңдайымнан иіскеп,

Еркелетіп бағып қаққан бір өзіңсің, жан əкем.

 

Шашыңа ақ түсіпті байқап қалдым, жан əкем,

Қартаймашы, ауырмашы, аман болшы, жан əкем,

Сен-біз үшін əлемдегі гауһардан да қымбатсың,

Ортамызда күліп, ойнап жүре берші, жан əкем.

 

Анамнан кем емессің, сен бөлексің, жан əкем,

Қорған болған, қамқор болған бір өзіңсің, жан əкем,

Еркетотай қызынның еркелігін көтерген,

Əкелердің əкесісің, сен-жақұтсың, жан əкем.

 

Қатем болса көз жұмдың,үндемедің, жан əкем,

Бақытты болғанымды тіледің, сен, жан əкем,

Теріс қылық көрсетіп, кірбің шалсам егерде,

Кешіре гөр, аяй гөр перзентіңді, жан əкем.

 

Жеке меншік туған күнің құтты болсын, жан əкем,

Жүзге жетіп, бақытты өмір сүргін, жан əкем,

Ортамызда жүре бергей асқар таудай пана боп,

Тек бақытты өмір сүргің тіледім мен, жан əкем.

Айдана Боранбаева

Павлодар қаласы,

Инновациялық Еуразия Университетінің 2-курс студенті

Сіз не дейсіз оқырман?

Е-мэйлыңыз жарияланбайды.