Білім айнасы газеті Республикалық газет Ұйымдастырылған оқу іс-әрекеті: «М. Монтессори технологиясы»
Мақсаты: Балаларды еркін тәрбиелеп, өмірге бейімдеу, өмірде өз мақсаты бар екенін қалыптастыру, балалардың өзінің үйреніп, өзін дамытуына жаңа мүмкіндіктер беру.
Міндеттері: Балаға өз жұмысын басқаруға көмектесу, негізгі түстерді айыра білуге үйрету, ұсақ моториканы дамыту, алғашқы математикалық, ғарыштық түсініктерді қалыптастыру, зейінін тұрақтандыру, тәртіпке үйрету;
Көрнекіліктер: Слайд, Монтессори аймақтарының суреттері.
Қажетті құралдар: Сегена тақтасы, қосу, азайту таңбалары, ондық, бірлік, жүздік, мыңдық моншақтар.
Әдіс-тәсілдер: түсіндіру, сұрақ-жауап,
Сабақ барысы:
Тәрбиеші: Балалар, бүгінгі біздің оқу қызметіміз ерекше болмақ. Ендеше оқу қызметімізді бастамас бұрын шаттық шеңберіне тұрайық!
Шаттық шеңбері:
Жарқырап күн де ашылды,
Айналаға гүл шашылды.
Қайырлы таң!
Біз нәзік қыздармыз,
Қайырлы таң!
Біз ержүрек ұлдармыз.
Тілге арналған жаттығу: Сағат, піл
Тыныс алу жаттығуы: «Гүлдерді иіскеу»
Тәрбиеші: Балалар біз бүгін Монтессори технологиясы бойынша «Сегена тақтасы» арқылы қалай есеп шығаруға болатыны туралы танысамыз.
Монтессори бөлмесі 5 аймаққа бөлінген:
- Күнделікті өмір жаттығулары аймағы.
- Сенсорлық аймақ.
- Математикалық аймақ.
- Тілдік аймақ
- Ғарыштық аймақ.
«Математика» аймағындағы Сегена тақтасына тоқталып өтсем:
Сегена тақтасын француз дәрігері және педагог Эдуардом Сегеном ойлап тапқан (1812-1880ж.). Бұл сегена тақтасында әрқайсысы 5-ке бөлінген екі тақта орналасады. Біріншісінің жолында 5 рет 10 саны жазылады, ал екіншісінде 4 рет 10 саны жазылады. Соңғы жолы бос қалады. Тақталарымен қоса 1-ден 9-ға дейінгі сандары бар кестелер қоса беріледі. Менің қолымда бірлік, ондық, жүздік және мыңдық сандары бар. Ондық, жүздік, мыңдық деп бірдей түсті моншақтарды айтамыз, ал бірліктер деп 1-ден 10ға дейінгі түрлі-түсті моншақтарды айтамыз. Мысалы: 9 саны көк түсті, 8 саны қоңыр, 7 саны ақ, 6 саны күлгін, 5 саны көгілдір, 4 саны сары, 3 саны кызғылт, 2 саны жасыл, 1 саны қызыл. Осы сандарды еске сақтадық, енді қазір біз бірлікке және ондыққа байланысты есептер шығарамыз. Ол үшін алдымен сегена тақтасына 10 санының жанына 9-ға дейінгі бірліктерді қойып көреміз. Мысалы: 10 санының жанына 1 бірлікті қоямын, ол он ондық, бір бірлік болады.
Тәрбиеші: Жарайсыңдар, ал енді есептер шығарамыз.
6 бірлік+3бірлік=тоғыз бірлік 10 ондық, 8 бірлік-6 бірлік =он ондық, екі бірлік
Тәрбиеші: Жарайсыңдар, балалар! Қане, саусақтарымызды жаттықтырып алайықшы.
Ұсақ моторикаға арналған жаттығу:
Бір саусағым тіпті де,
Ұстай алмас жіпті де.
Екі саусақ бірікті,
Ине қолға ілікті.
Үш саусағым орамды,
Жүгіртеді қаламды.
Өнерлі екен он саусақ.
Қала салсақ, жол салсақ.
Қорытынды:
—Балалар біз бүгін немен таныстық?
-Сегена тақтасымен
-Сегена тақтасымен есептерді қалай шығарамыз?
-Бірлік, ондық, жүздік, мыңдық моншақтар арқылы.
-Бірліктер деп қандай сандарды айтамыз?
-Түстері әртүрлі.
Мадақтау: Жарайсыңдар, балалар! Сендер бүгін оқу қызметіне жақсы қатыстыңдар,есепті де өте жақсы шығардыңдар. Келген қонақтарымызбен қоштасайық.
Көріскенше күн жақсы,
Сау саламат болайық.
Жылкыбаева Кырмызы Аскербековна,
№64 «Асыл бөбек» арнайы балабақшасының
тәрбиешісі
