Білім айнасы газеті Республикалық газет Білім беру саласы: Таным
Бөлімі: ҚМҰҚ
Мақсаты: Балаларды 5-ке дейін санауға үйрету.
Міндеттері: 5 санына байланысты тапсырмалар орындау
Білімділік: 5-ке дейін санауға үйрету.
Дамытушылық: Берілген тапсырмаларды дұрыс орныдауға дамыту.
Тәрбиелік: Ұқыптылыққа тәрбиелеу
Әдіс-тәсілдер: Ойын, сұрақ-жауап, түсіндіру.
Көрнекіліктер: Сауатшалар, сандар, суреттер.
Сабақтын барысы:
- Балалар, барлығымыз шеңберге тұрып, келген апайлармен үш тілде амандасайық.
Балалар амандасады.
— Маған бір дыбыс естіліп тұр, сендер естідіңдер ме?
— Жоқ.
— Қане, жақсылап тыңдап көрейікші. Балалар, бұл кім болды екен?
Балалар: Бұл – Буратино!
- Салеметсің бе, Буратино? Сен мұнда не істеп жүрсің?
Буратино:
— Мен сендерге бір хат әкелдім. Көргілерің, оқығыларың келе ме?
Балалар: — Иә.
- Қараңдаршы, мұнда бірнеше жұмбақ сандар көрсетіліпті. Маған сол сандарды кім дұрыс санап берер екен? Білгім кеп тұрғаны?
Балалар: — Біз.
Ал, санап көріңдерші.
Балалар: 1, 2, 3, 4, 5.
— Рахмет! Өте жақсы!
— Олай болса, балалар, біз бүгін сабақта «5-ке дейін санауды» үйренеміз.
— Және бүгінгі сабағымыз бұрынғыдан да қызықты болады деп ойлаймын. Ол үшін сабақты сайыс түрінде өткіземіз.
— Келісесіңдер ме, балалар?
— Иә!
— Онда, жақсы. Сабаққа модераторлар қатысатын болады. Оларды арамыздан өзіміз сайлайтын боламыз. Мына эмблемалар арқылы екі топқа бөлінеміз: «Тиін» және «Қонжық» топтары.
— «Тиін» тобынының модераторы – Әділхан, «Қонжық» тобынын модераторы — Әлиақбар болады.
— Орындалған тапсырмалар үшін әр топқа жұлдызшалар беріледі. Сабақ соңында кімде қанша жұлдызша барын санаймыз. Қай топ көп жұлдызша жинаса, сол жеңімпаз атанады.
1 тапсырма: Сандарды үш тілде санау.
2 тапсырма: Пойыздың вагондары шашылып қалыпты, оларды ретімен қою керек. Әр топтан бір баладан шығады.
1-топтың модераторы — Әділханның жауабы: Бұл тапсырманы біздің топтан Малика орындайды.
2 модератор Әлиақбар: Біздің топтан Аңсар орындап береді.
- Екі бала тақтаға шығып тапсырманы орындайды, ал біз 5-ке дейін санаймыз кім
Бірінші?
3-тапсырма: Тақтағы суреттерді санмен сәйкестіру.
- Екі топтан екі бала шығып тапсырманы орындайды.
Модераторлар топтарынан екі баладан шығарады.
Сергіту сәті:
Орнымыздан тұрайық,
Үлкен шеңбер құрайық,
Солға иілеміз, оңға иілеміз.
Бір отырып, бір тұрып
Орнымызға отырайық.
4-тапсырма: Жоғалған сандарды орналастыру.
- Балалар тапсырмаларды орындарында отырып орындайды.
- 5-ке дейін санаймын қай топ тез аяқтайды.
5-тапсырма: Сауатшаларды қолданып, кеңістікті бағдарлау.
- Екі топтан екі бала шығады, тапсырманы кім тез орындайды?
Мен 5-ке дейін санаймын кім бірінші аяқтайды?
Пішіндерді және түстерді үш тілде айтамыз.
Қане, жұлдызшаларды санайық.
Бізде бүгін «Тиін» тобында 5 жұлдызша.
Ал «Қонжық» тобында 3 жұлдызша.
Қалай ойласыңдар, балалар, қай топ жеңімпаз?
Балалар: «Тиін» тобы.
— Балалар, қане, ойын ойнайық ақша ойыны, шеңбер бойымен жүріп, билейміз ән тоқтаған кезде ақшаларды аламыз.
— Бір теңгелікті кім көтерді?
— Бірінші тапсырмада не істедік?
— Екінші тапсырмада не істедік?
Балалар: 1-тапсырма. Үш тілде санадық және вагондарды ретімен қойдық.
— Қане, 2 теңгеліктерді көтереміз.
— 3 және 4-тапсырмада не істедік?
Балалар: Суреттерді санмен сайкестендірдік және жоғалған сандарды тауып, орындарына қойдық.
— Қане, 5 теңгеліктерді көтереміз.
— 5 тапсырмада не істедік, есімізге түсіреміз?
Балалар: Кеңістікті бағдарладық.
Балалар, Буратинаның жеңімпаз атанған топқа арнаған мадақтамасы бар. Түсі қандай екен?
— Қызыл.
Ал, екінші орын алған топқа әкелген Мадақтамасының түсі ше?
— Көк.
— Өте жақсы. Олай болса, қазір бәріміз Буратиномен қоштасайық. Сендер неше тілде сөйлеп білесіңдер?
— Үш тілде.
— Керемет! Онда қоштасуды да үш тілде айтайық, келісесіңдер ме?
— Иә.
— Ал, енді балалар, сендер 5 теңгеге 1 теңгені қосқанда неше болатынын білгілерің келе ме?
— Иә.
— Жақсы. Онда келесі сабағымызда «5 санын 1 санына қосуды» кеңірек үйренетін боламыз.
Осымен сабағымыз аяқталды. Сау болыңдар.
Анар Кусайдаровна АСКАРОВА,
№6 сәбилер бақшасының тәрбиешісі,
Павлодар қаласы
