Ұлттық құндылық тәрбие негізі

Сариева Гульнора Кошкаровна
Түркістан облысы Жетісай ауданы
Ж.Ералиев а/о С.Сейфуллин атындағы 52 ЖББМ КММ
Директордың тәрбие ісі жөніндегі орынбасары

«Ұлттық құндылық тәрбие негізі»
Мақсаты: Оқушыларға қазақ халқының салт — дәстүрлері мен әдет-ғұрпының тәрбиелік мәнін ұғындыру, баланың бойына адамгершілік қасиеттерін қалыптастыру, халық өнегесін үйрету.

Міндеттері:
1.Ұлттық рухты,патриотизмді,тәлім-тәрбиені дәріптейтін салт-дәстүрлерін жаңғырту;
2.Жалпыхалықтық рухани құндылықтарды күшейту;
3.Халықтың салт-дәстүр мен әдет-ғұрыпты сақтаудың маңыздылығымен ақпараттандыру.
4 «А» сынып оқушыларының «Салт-дәстүрім» атты көркем сөздерімен басталады
Жүргізуші:Құрметті ұстаздар және әріптестер!
Қазақ халқы – салт-дәстүрге өте бай ел. Бұл – оның мәдениетті әрі тәрбиелі ел екендігінің айғағы. Белгілі қоғам қайраткері, заңгер Н.Шайкенов: «Ұлт дәстүрі – заңнан биік», — деген. Демек, салт-дәстүрлі ел – мықты әрі тұғыры берік ел. Біздің халқымыз өз ұрпақтарына ғасырдан ғасырға ұлт қасиетін салт-дәстүрмен, өнегені әдет-ғұрыппен, үлгіні жөн-жосықпен, әдепті ырым, тыйыммен тәрбиелеп, ұлағатты ұл, инабатты қыз өсірген.
Ұлттық тәлім, салт-сана сабағы адамгершілік тәрбиесінің аса сенімді әрі  ғажайып жол екенін көрсетті. Отаншылдық, ерлік, мәрттік, жомарттық,  қайырымдылық, жоғары адамгершілік қасиеттер осы жол арқылы дарыған.
Батыр жазушы Б.Момышұлы Ұлы Отан соғысы жылдарында: «Мен өзімнің ұрыстағы тәжірибемнен солдаттың басында жауынгерлік қасиетті тәрбиелеуде халықтардың басынан өткен жауынгерлік жолдары мен ұлттық дәстүрлердің маңызы зор екеніне көзім жетті», — деп жазды. Олай болса, әдет- ғұрып – қазақ халқының мызғымас заңы деп қабылдаған жөн.
Дана халықтың өзі жасаған осы әдет-ғұрып пен жөн-жосықты біліп, үйрену және өмірде қолдану – ағайынды адастырмас сара жол. Мұны отбасында ата-ана, мектепте ұстаз, көпшілік ортада ақсақалдар жастарға үйретіп, айтып отырса, ұтарымыз көп болар еді.
Ендеше «Ұлттық құндылық тәрбие негізі» атты семинарға қош келдіңіздер!
Жүргізуші: Бүгінгі қалалық семинарды ашып беру үшін құттықтау сөз мектеп директоры Г.М.Тажимбетоваға беріледі.
Ән «Мереке» орындайтын 4 «ә» сынып Шарданова Аяулым
Жүргізуші: Әр ұлттың өзінің ұлттық құндылықтары болады. Күмбірлеген күміс күйімен, сыбызғы, сырнай үнімен асқақтата салған әсем сазды әнімен де ата-бабаларымыз өзінің рухани жан дүниесінің мұң шерін, асқақ арманын келер ұрпақтың зердесіне жеткізіп көкірегіне ұялатқанын ұмытуға болмайды.
Жүргізуші: «Балауса» тобының орындауында қазақтың ұлттық биін қабыл алыңыздар.

Әр адамда басты құндылық деп қабылдайтын ұлттық тәрбие әрдайым жоғары тұрады. Ұлттық құндылықтарды әр ұлттың ата-бабалары өздерінің өмір сүру салтына байланысты пайдаланып, дамытып ұрпақтарына мұра етіп қалдырып отырған.

(Бағдарламамен таныстыру)
Ұлттық салт-дәстүрге байланысты көрмені тамашалап,таныстыру
Жүргізуші: Дәстүр тәрбие құралы болған
– Қазақта баланы қайырымдылыққа, бауырмалдыққа, еңбекқорлықа тәрбиелейтін дәстүрлер көп,– дейді Құралай Сәрсембина. Өйткені этнографтың айтуынша, ұрпақ жалғастығына, әулеттің азып кетпеуіне, саналы ұрпақты тәрбиелеудегі маңызы зор болған.
Айтулы қоғам қайраткері Мұстафа Шоқай былай деген: «Ұлттық мәдениеттен жұрдай рухта тәрбиеленген ұрпақтан халқымыздың қажеті мен мүддесін жоқтайтын пайдалы азамат шықпайды». Сондықтан дәстүр мен тәрбиені ұштастыра білу керек.
Мысалы, «Қол ұшын беру» деген керемет дәстүр бар. Бұл дәстүр әлі ұрпақтан ұрпаққа жалғасып келеді. Қол ұшын беру – ауыл адамы біреудің үйінің жанынан өтіп бара жатып, кірпіш құйып, үй салып жатқандарын көрсе, өтіп кетпеген. Қол ұшын беріп, көмектескен. Яғни, бұл дәстүр арқылы адамды қайырымдылыққа, жанашырлыққа тәрбиелеген.Салт-дәстүрсіз халық болмайды. Ұлттық салт пен дәстүрдің тууы ұлттың ұлт болып қалыптасуына байланысты.