Күз ханшайымы

Шүкірова Сәуле, Жолдыгулова Алма
 Маңғыстау облысы, Жаңаөзен қаласы
№7 жалпы білім беретін мектеп
бастауыш сынып мұғалімдері

   Күз ханшайымы

 1-жүргізуші:Қош келдіңіз, көрермен
Күз ханшайымы кешіне
Қошеметпен қол соғып,
Шат күлкіге бөлене

2-жүргізуші:Келді, міне, алтын күз
Сары шашты жарқын жүз
Мол өнімді ісімен
Таң қалдырып халқын күз

1-жүргізуші:Алтын күз сізбен бірге шуақ шашсын
Көңілдің серіппелі күйін ашсын
Бақ пен шаттық біріге қатар қонып

Береке бірлікпенен ортақтассын, -дей отырып, құрметті ұстаздар, оқушылар және ата-аналар!
Бүгінгі біздің мектебімізде 2-сыныптар арасында өткелі отырған
«Күз ханшайымы» байқауына қош келдіңіздер!
Байқауға қатысушы алтын күздей жарқыраған күз ханшайымдарын ортаға шақырамыз.

2-жүргізуші:Әділдікпен бұл сайысты байқайтын
Туралықтан еш уақытта қашпайтын
Аруларға оң бағасын беретін
Қош келдіңіз әділқазы алқасы

1-жүргізуші:Уа, халайық, халайық,
Бәріңе жар салайық
Сәлем жолдап баршаңызға
Келіп тұр арулар ортаңызға
Ендеше аруларымызға сәттілік тілей отырып, байқау шарттарымен танысайық

2-жүргізуші:1-кезең «Жүздің түсін танығанша,
Бірдің атын біл»
Өзін таныстыру

2-кезең «Өнерлі өрге жүзеді»
Өз өнерлерін көрсету

3-кезең «Бояулар сыр шертеді»
Күз мезгілін бейнелеу

4-кезең «Әсем біздің арулар»
Сән үлгісін көрсету

1-жүргізуші:Кімдер білгір, өнерпаз білейікші
Жарасымды арулар деп жүрейікші
Әділқазы алқасына әділдікті
Ал аруларға сәттілік тілейікші

2-жүргізуші:1-ші таныстыру кезеңіне қошемет көрсетейік
Арулар өздерін таныстырады

1-жүргізуші:Ал кімнің өнері бар қаншалықты
Би билеп, ал біреуі ән салады
Бүгінгі күз байқауында бәйге алуға
Арулар аянбай-ақ жан салады.
Аруларымыздың өнерін тамашалайық

2-жүргізуші:Жайдары күз, жарқын күз
Аяулы күз, алтын күз
Дәнге толы ен далам
Дариядай шалқар күз,-дей отырып, күзгі табиғат көрінісін елестете отырып, 5 минут ішінде қағаз бетіне түсіру

1-жүргізуші:Сымбатына сән үлгісі жарасады,
Аспандағы айменен таласады
Өнеріне сай келіп дайын тұрған
Аруларға қызығып қарасады,-дей келе, аруларымыздың сән үлгісін көруге шақырамыз

2-жүргізуші:Осымен «Күз ханшайымы»байқауының кезеңдері аяқталды.
Әділқазы алқасы ұпай санын шығарғанша флешмоб биін тамашалаңыздар

1-жүргізуші:Осымен сайысты бұл тамамдасақ
Тағы да жарысамыз аман болсақ
Сөз береміз әділқазы алқасына
Әр арудың өнерлерін сараласақ
Сөз кезегі әділқазы алқасына беріледі
Бүгінгі байқауға қатысушы аруларымызды қошеметтеп, тамашалағандарыңызға
көп-көп рахмет
Қош сау болыңыздар!