Білім айнасы газеті Республикалық газет Қарттар – ұлттық құндылықтарды, мәдениетті, салт-дәстүрді, тамыры терең тарихты, ана тілін сақтаушылар.
Қазыналы қарттарымыз ақыл-кеңесімен, өмірлік тәжірибесімен, үлгі тұтар даналығымен елге, жас ұрпаққа үлгі болып, олардың тұлға болып қалыптасуына зор ықпал етеді. Қарттарды қастерлеу, құрмет көрсету — қазақ халқының ежелден келе жатқан ата салты.
Осы мақсатта 1 қазан -халықаралық қарттар күні қарасаңында Алматы қаласы Алатау ауданы №152 мектеп- гимназиясының 9′ А», 8 «А» сынып оқушылары мерекелік іс-шара ұйымдастырып, ән мен күйден шашу шашып, қарттарға ерекше көңіл күй сыйлады.
Бүгінгі өскелең ұрпақ қарттардың ақыл -кеңесіне құлақ түріп, өмірлік тәжірибесін бағалап, олардың ұлағатты даналығын ескергенде ғана болашақтары жарқын, келешектері кемел болмақ.
Әрбір қарт адамның өмір жолы, көрген қиындықтары, жеңістері мен жетістіктері жас ұрпаққа сабақ болуы тиіс.
Мерекелік іс-шараға келген Ұлжан ықшамауданының қазыналы қарттары өскелең ұрпаққа ата салтын ардақтап, үлкенді құрметтеу -адами құндылықтардың өзегі екенін түсіндіріп, ұлағатты өсиеттерін айтты.
Қарттарды құрметтеу, олардың өмірлік тәжірибесін бағалау – әрбір жасөспірімнің міндеті. Бұл дәстүрді сақтап, болашақ ұрпаққа жеткізу арқылы біз еліміздің болашағын жарқын ете аламыз.
Алматы қаласы Алатау ауданы
№152 мектеп-гимназиясының
қазақ тілі мен әдебиеті пәнінің мұғалімдері:
Оспанова Ақбота Ахметжанқызы,
Устемирова Айнұр Нүсүбаліқызы
