Алтын күз 

Тулегенова Бейбиткуль Ивановна
 Жезқазған қаласы
№ 15 «Гүлдер» ҚМҚК
бөбекжайының тәрбиешісі

 Тобымыз мерекеге сай безендірілген. Жерде дөңгелене жапырақтар жайылған. Музыка әуенімен балаларды кіргізіп шеңберге тұрғызады.
Күз: Балалар, қараңдаршы біздің тобымыз қандай әдемі. Күз мезгілі келді. Ауа райы жаңбырлы. Түрлі-түсті жапырақтар аяқтың астында шықырлайды. Ал, самал жел соқса жапырақтар түсе бастайды.
Күз: Балалар,  бізге құс ұшып келді, кішкентай құс, кішкентай құс!
Құс: Сәлеметсіңдер ме балалар, мен кішкентай құспын, тоғай ішінде алма іздеп жүрмін, чик-чирик, чик-чирик. Қандай әп-әдемі балалар!
Күз: Кішкентай құс, біздің балалар бүгін күз мерекесін тойлап жатыр.
Құс: Мен мерекелерді жақсы көремін, олай болса билеп көңіл көтерейік.
Би: «Жапырақтар»
Құс: Жарайсыңдар балалар! Мен сендермен жақсы көңіл көтердім әрі қарай жылы жаққа ұшуым керек.
Күз: Кішкентай құс, біздің баудан алма ауыз ти.
Күз: Қарап тұрмын, ар жақ орманнан бізге кім келе жатыр екен?
Қоян: Ой, мұнда қаншама бала бар екен! Мен балалардан қатты қорқам, қорқақ қоянмын.
Күз: Сүйікті қоян қорықпа, біздің балалардың өнерін тамашалап, біздің балалармен дос бол.
Күз: Ал, балалар, қоян досымызға «Бала, балақан» әнін орындап берейік. Күз мезгіліне арналған тақпақтарымызға  кезек берейік:
Жанайым:Бүгін мейрам, бүгін той,
Қуаныш күн біліп қой
Күзгі бақтай сыңғырлап
Алақанды соғып қой
Каусар.С.:Қуандырып біздерді
Мерекелі күз келді
Дінмұханбет:Жемістерін жинауға
Шақырады біздерді
Көркем.Н. Өсіретін бойыңды
Дамытатын ойыңды
Сәбізбін мен жазықсыз
Каусар.Қ. Мен жүзіммін, жүзіммін,
Моншақ болып тізілдім.
Әбілқайыр: Картоп біздің атымыз
Жер астында жатырмыз
Ханшайым: Асханадан шықпаймын
Атым пияз бұқпаймын
Көзден жасты шығарып
Тұмаудан бірақ сақтаймын
Қоян: Мен қорқақ қоян болсамда, балалардан енді қорықпаймын.Ары қарай секірейін, азығымды іздейін.
Күз: Қоян біз саған сәбіз береміз. Бізбен көңіл көтергеніңе рахмет. Сау бол!
Күз: Балалар, бұлт шығып, бізге жаңбыр жауайын деп келе жатыр, бірақ біздің балалар жаңбырдан қорықпайды. Әсем әуен ойналып жаңбыр келеді.
Жаңбыр: Жаңбырдан біз қорықпаймыз,
Қолшатырды ұстаймыз,
Әрі қарай тоқтамай,
Жүруді біз қолдаймыз
Жаңбыр: Сәлеметсіңдер ме, балалар!
Күз: Сәлеметсің бе,  жаңбыр!
Жаңбыр: Балалар, сендерге жаңбыр жауған ұнайма, ендеше сендермен әдемі ойын ойнағым келіп тұр. Сендер әсем әуен ойнаған кезде әдемі билейсіңдер, ал жаңбырдың дыбысын естігенде менің қол шатырымның астына тығыласыңдар.
Жаңбыр: Ал, кәнекей балалар ойын ойнайық, 3-4 рет қайталанады. «Күн мен жаңбыр» ойыны.
Мақсаты: Қимыл-қозғалыстарын дамыту, шапшаңдыққа баулу.
Жаңбыр тоқтап, күн шықты. Жаңбыр тиіп кетпесін.
Күз: Балалар, шеңбер жасап тұрамыз. Жаңбырға арнап ән айтып берейік.
Ән: «Жаңбыр»
Жаңбыр: Балалар, сау болыңдар! Сендермен жақсы көңіл көтердім.    Мен басқа балабақшадағы балаларға барып жаңбыр жаудырайын!
Күз: Күз байлығы біздің дастарханымызға дәнді-дақылдарын, жеміс-жидектерін толтырған,күздің кішкентай балапандарымызға сыйы мол.
Сендер өнерлеріңді көрсетіп еңбектендіңдер. Күздің әкелген сыйлықтарын қабыл алыңдар! Мына кәрзеңкедегі жемістерді сендерге үлестіріп берейін. Құрметті, қонақтар осымен «Балбөбек» тобының ұйымдастырылған ертеңгілігі аяқталды.