Тәрбие тал бесіктен

Ермуханова Айнагуль Дюсенбековна,
Астана қаласы әкімдігінің
№69 «Еркем-ай» балабақшасы тәрбиеші

Тәртіпті — елдің ұланы.
Бауыржан Момышұлы

«Тәрбие басы тал бесік» деп қазақ бекер айтпаған. Қазақ халқы қашан да бала тәрбиесіне ерекше мән берген.Тәрбиені біз өмірге келген шақтан, анамыздың құрсағында жатып алады екенбіз. Ертеде аналарымыз ішінде жатқан баласын еркелетіп, ертегі оқып, ән мен өлеңмен тәрбиелеген. Ал туылған шақта есту қабілетімен бірге көру қабілетімен тәрбиелейді. Адамзатқа ең алдымен тәрбие кейін білім қажет. Осы себепті ата-аналар өздерінің қандай үлгі, қанадай тәлім тәрбие беріп жатқанына аса мән беру керек. Баланың болашағы, оның тұлға болып жетілуі тікелей ата- анасына, қоршаған ортасына байланысты. Себебі қазіргі таңда ұялы телефонның әсері өте жоғары. Сол себепті бізге тәрбие мен талап қажет. Бала туғаннан ата — анасы жүріп тұруды, сөйлеуді, кейін тәрбиелі азамат болуына атсалысады. Ал кейін ол бала балабақшаға, мектепке барады. Қазақ халқының ұлы тұлғасы Мұхтар Әуезов «Еккенің тікен болса, орғаның балауса болмас» деген екен. Міне, дәл осы қанатты сөз жоғарыда айтылған сөздерге тұспа тұс келеді.                                                                                                             Ұлы Абай Құнанбайұлының «Адамның адамшылдығы ақыл, ғылым, жақсы ата, жақсы ана, жақсы құрбы, жақсы ұстаздан болады»
Баланың тал бесіктен кейінгі алатын тәрбиесі -оның ұстазы мен достарынан. Балабақшада біздің еңбегіміз алдымызда отырған жас бүлдіршіндерге  мейірімді көзқараспен қарап, тәрбие берудеміз. Бүлдіршіндерімізге ертегілер оқып, ертегілерді сахналап, мақал-мәтелдермен, ұлы ақындарымыздың дана сөздерін айта отырып,  жақсы мен жаманды ажырата білуге біздің тәрбиешілердің де қосар үлесі бар. Баланың өсіп жетілуі, ең алғашқы баспалдағы балабақшадан басталады деген ойдамын. Себебі бала ұстазына қарап өседі, тәрбие алады. Мен тәрбиеші болып еңбек етуіме бірден бір себеп балалар. «Не ексең соны орасың» дегендей күнделікті таңертең қабылдап  күтіп алған бүлдіршіндерімді қызықты ойындармен ойната отырып, баланы қоршаған ортасымен таныстырып, тәрбиеге, білімге үйреттім. Мен балаларды қыркүйек айында қабылдап, күтіп алдым. Сол уақыттан бастап, балаларды алдымен балабақшаға бейімдеп, үйреніп кетуіне жағдай жасадым. Яғни бүлдіршіндерге қызықты қимылдық, логикалық ойындар, ұлттық ойындар, түрлі спорттық шаралар, үйірмелер ұйымдастырдық. Яғни ойынмен қызықтыра отырып, балаларды қоршаған ортамен таныстырдық. Қазіргі кезде бүлдіршіндерім өлең айтуды, санамақтарды, ертегілерді сахналауды, қарындаш ұстап бояуды біледі. Балаларымның күнделікті балабақшаға қуанып келуі, мен үшін үлкен қуаныш.   Қорыта келе бала біздің еліміздің болашағы, тірегі. Балаға дұрыс тәрбие беру біздің парызымыз.
Адамға бала сүю бір қазына

Секілді өшпес алтын, сөнген мұра.

Уілдеп күнімен ойнап, өскен бала

Өмірдің ұқсамай ма, бұлбұлына!