Дені сау ұрпақ –ұлт болашағы

Алпысбаева Айжан Бахыткереевна,
Астана қаласы әкімдігінің
№69 «Еркем-ай» балабақшасы тәрбиеші

      «Дені сау ұрпақ – болашақтың кепілі» деп қазақ халқымыз бекер айтпаған. Өйткені кез –келген елдің негізгі байлығы оның халқы. Еліміз  тәуелсіз, дамыған, өзін қорғай алатын, мықты мемлекет болуы үшін ең бірінші халқы және келешек ұрпағымыздың жағдайы жақсы болуы керек. Тек сонда ғана әр халық өз елі, болашағы, ұрпақтан ұрпаққа қалар кең байтақ жері үшін күресе алады. Ол үшін деніміздің сау болуы керек. Деніміздің саулығы үшін бала күнімізден денсаулығымызды күтуді, жақсартуды, шынықтыруды үйренуіміз керек. Дені сау ұрпақты тәрбиелеу үшін                                                                күн тәртібін дұрыс жоспарлау бала үшін өте маңызды. Әр адамның басқаларға ұқсамайтын өз күн тәртібі болады. Егер адам күн тәртібін сақтамаса, яғни дұрыс уақытымен ұйықтамаса ол адамның жұмыс істеуіне кедергі болып, зейінін төмендетіп, үнемі шаршап, көңіл күйі жоқ болып келеді. Деніміздің саулығы үшін бала күнімізден яғни балабақша барған күннен бастап, денсаулығымызды күтуді, жақсартуды, шынықтыруды үйренуіміз керек.  Салауатты өмір салтын ұстанып, оның ережелерін, шарттарын сақтауымыз керек.  Салауатты өмір салты дегеніміз  – денсаулықты сақтауға, жақсартуға бағытталған біздің әрекеттеріміз. Яғни ерте тұрып, дұрыс тамақтану, күн тәртібін сақтау, спортпен шұғылдану, уақытымен дәрігерге қаралу, зиянды заттардан (чипсы, кола т.б) аулақ болу. Сонымен қатар, компьютер мен телефонды үзіліссіз қолдану, жатып қарау да денсаулыққа өте зиян. Тіпті орындыққа отырғанда да дұрыс отыра білуіміз қажет. Яғни деніміздің саулығы тікелей өзіміздің іс – әрекеттерімізге байланысты екен. Мысалы, балабақшаның күн тәртібінде таза ауада күнделікті серуендеу, билеу, таңғы жаттығулар және спорттық іс-шаралар осының барлығы баланың дамуына, өсуіне пайдасын тигізеді. Мысалы, балабақшаға баратын бала түнде 11-12 уақыттарында жататын болса, таңертең  баланың ұйқысы қанбайды және керек витаминдерді бала бойына сіңіре алмайды, зейінін төмендетіп, үнемі шаршап, көңіл күйі жоқ болып келеді. Ал деніміз сау, мықты болу үшін,  жақсы дамуымыз үшін біз аман- есен өсіп, білім алуымыз керек. Біз бүгін бала болсақ, болашақта есейіп еліміздің бір азаматы боламыз.  Біреуіміз жүздеген балаға білім беріп оқытатын мұғалім, біріміз сәулетші, дәрігер, әскери қызметкер сияқты жұмыс атқарып, еліміздің дамуына, мықты болуына өз үлесімізді қосамыз.     Қазақ елін ата бабаларымыз найзаның ұшымен, білектің күшімен қорғап бізге мұра етіп қалдырған. Ал болашақта осы  кең байтақ елдің иесі, бір бөлігі  өсіп келе жатқан ұл-қыздар болмақ!