Тәрбиеші-ұлы тәрбиенің тірегі

Сатыбалды Ақерке Шерғалиқызы,
Астана қаласы әкімдігінің
№69 «Еркем-ай» балабақшасы тәрбиеші

Тәрбиеші — жүрегі жақсылық пен жаңалыққа толы тұлға. Бойындағы барлық білім мен білікті, тәрбиені баланың жүрегіне жеткізу үлкен қасиет.                                                                  Ұлы Абай атамыз:
Ақырын жүріп анық бас,
Еңбегің кетпес далаға,
Ұстаздық еткен жалықпас,
Үйретуден балаға!- деп жырлап кеткендей, әрбір ұстаз бұлақ түбінен асыл тас іздегендей балаға мән мен мағынаға толы білімді үйретуі қажет. Кішкентай бүлдіршіндерімізді тәрбиелеуде, тәрбиешілер талмай еңбек етіп, бүлдіршіндеріміздің бойына ізгілік, мейірімділік, адамгершілік, қайырымдылықты сіңіріп, өз -өздеріне деген сенімділікке тәрбиелеуде тәрбиешілер шешуші рөл атқарады. «Адамды тәрбиелеу-демек оның ертеңгі қуанышқа ие болатын келешек жолын тәрбиелеу».
Балабақшадағы тәрбие-барлық тәрбиенің бастауы. Мен балабақшада тәрбиеші болып жұмыс жасағаныма 5 жыл болды. Әр мамандықтың өз қиындығы, өз қызығы бар. Тәрбиеші болып жұмыс жасап жүріп түсінгенім ең жауапкершілікті талап ететін жұмыстардың бірі екеніне көзім жетті. Менің ұғымым бойынша, алдымызда отырған әрбір бала ол қайталанбас зерттелмеген ерекше бір әлем, ерекше тұлға. Зерттелмеген таза құпияға терең үңіліп, балалардың басқаға ұқсамайтын ерекше қасиеттерін тану арқылы олардың жүрегіне, жан дүниесіне жол таба білу ол тәрбиешінің борышы деп білемін. Балалардың болашағына, тәрбиесіне жауапты жандардың біріміз. Балаларды ана тілінде әдемі сөйлету, балалардың ой сезімдерін анық, еркін, көркем жеткізе алуға баулу, танымдық шығармашылық кабілеттерін дамыту өзімнің мақсаттарымның бірі деп білемін. Тәрбиеші балаға деген ыстық ықыласын бір сөзбен айтып көрсетіп қана қоймай, бар жүрегімен жан тәнімен сезіне білуіміз қажет.                                                                                       «Бала туғанда ақ қағаздай болып таза туады, оның үстіне шыймайды қалай салсаң, қағаз бетіне солай түседі, бала тәрбиесі сол сияқты, өзің қалай тәрбиелесең ол солай тәрбиеленеді».  Өзімнің еңбек жолымда балалардың тілін, ой өрісін дамыту мақсатында ертегілерден көріністер ұйымдастырамын. Себебі бала рөлде өзі ойнаса сол кейіпкердің бойындағы барлық қасиет дағдыларын ой елегінен өткізіп саралайды. Ақылымен ойланады. Менің ойымша тәрбиеші бойындағы асыл қасиет ақыл парасат деп білемін. Баланың ішкі жан дүниесіне жол тартқан тәрбиеші ең нәзік те мөлдір, ең күрделі де жұмбақ әлемге енеді. Балалармен тынымсыз еңбек жасап, соның жемісін көру үшін, тәрбиешілік жұмыс тәрбиешінің бойынан жігерлілік пен еңбекқорлықты қажет ететін айқын аңғарып келемін. Балалар ол өмір гүлі. Ал гүлдер ешқандай жасандылықсыз, шынайлылықпен бапталғанда ғана өседі. Балалардың шығармашылығын дамыта отырып, қазіргі заманғы педагогикалық теориямен практиканы басшылыққа алып жұмыс жасаудамын. Халқымызда «Жас келсе-іске» деген керемет сөз бар. Демек, мен бойымдағы жастық жігерімді, күш қуатымды, жаңашылдығымды талапты әрі талантты шәкірт тәрбиелеуге жұмсауым керек. Болашақта өз тәрбиеленушілерімді биік белестерден көріп жатсам, сол үшін өзімнің аз да болса үлесімді тигізсем, өзімді бақытты тәрбиеші ұстаз, бақытты жанмын деп білемін. Тәуелсіз елдің жас ұрпағын лайықты түрде тәрбиелеу біздерге артылған аса жоғары міндет. Осы міндетті орындау мен үшін үлкен бір құрмет. Балалар-біздің болашағымыз.