Білім айнасы газеті Республикалық газет 25 қазан балабақшамызда «Қазастан Республикасы» күніне орай «Сандуғаш» ересек тобының қатысуымен іс-шара өтті. Мақсаты: тәрбиеленушілерге өз Отанын сүйюге, қазақ екенін, Қазақстанда тұратынын мақтаныш етуге, туған халқының тілін, мәдениетін, салт – дәстүрін қастерлейтін саналы да парасаты азаматтар тәрбиелеу. Елінің көк Туын, Елтаңбасын, Әнұранын қастерлеуге өз елін, тегін, тарихын білуге тәрбиелеу.
Әнұранмен басталған іс-шарада, қазақтың ұлттық ойындары дәріптелді. Соның ішінде асық ойнауға ерекше тоқталып өтті. Қазақ халқының ұлттық ойындарының көбі табиғи заттармен ойнауға негізделген. Шаруашылығы мал шаруашылығына негізделгендіктен қазақ халқының ұлттық ойындары да осыған икемделеді. Әсіресе, қойды көп өсіргендіктен, балалар ойынының көбі қой асығымен байланысты болып келеді. Сондықтан асық ойындары ұлттық ойындарының ішіндегі арыдан келе жатқан көнелерінің бірі болып табылады. Асық ойыны баланың жастайынан жүйке жүйелерін шыңдап, оларды дәлдікке, ұстамдылыққа, байсалдылыққа тәрбиелейді.
Іс-шара «Әрқашан күн сөнбесін» атты әсем әуенмен жалғасын тапты. Пазл құрастырып,оркестрда «Келіншек»атты қазақ күйі орындалды.
Алматы қаласы
КГКП “Ясли сад №27”
Дәуренбек Әсел Құралбекқызы-меңгеруші
Гаппарова Наргиза Баходировна-тәрбиеші
