Білім айнасы газеті Республикалық газет Алматы қаласы, Наурызбай ауданы, Nº194 бөбекжай-балабақшасында Республика күні тойланды.
25 қазан – Қазақстан Республикасының күні! Бұл ерекше күнде еліміздің тәуелсіздігі мен бірлігінің символы – Республика күнімен баршаңызды құттықтаймыз. Тәуелсіздік – бұл біздің ұрпақтарымыздың арманы, тарихымыздың асыл мұрасы. Қазақстанның болашағы – біздің қолымызда. Тарихымызға көз жүгіртсек, ер жүрек батырларымыз бен ұлыларымыздың еңбегі арқасында бүгінде тәуелсіз мемлекетте өмір сүріп жатырмыз. Отанымыздың гүлденуі мен өркендеуі үшін әрқайсымыз өз үлесімізді қосуымыз қажет.
Дәл осы мақсатты ұстанып, ұлттық құндылықты дәріптеп, Республика күні мерекесіне
№194 бөбекжай-балабақшасы ертеңгілік ұйымдастырды. Республика күніне орай өткен ертеңгілік әнұранымызды орындаудан бастады. Шара жүргізушісі балабақша ғарыш әлемінен қонаққа келген роботты ортаға шақырды. Балалар қандай мерекені тойлап жатқанымызды роботқа түсіндіріп, ән айтып, би билеп, өнерлерін көрсетті. Балалар роботқа еліміз туралы мақал- мәтелдерді жарыса айтып, Республика күні туралы түсіндірді. Ұлттық аспапты дәріптеу мақсатында тәрбиеленушілеріміз ұлттық аспаптарымызбен әуезді ән орындады. Мерекенің соңында роботқа Қазақ елінің туы қандай болатынын көрсетіп, тәрбиеленушілер тудың мозайкасын құрастырып шықты.
Робот бүлдіршіндердің өнерлеріне тәнті болып, жақсы көңіл-күймен өз ғаламшарына қайтты.
Адам өміріндегі ең үлкен бақыт – ұрпақ өсіру, бала тәрбиелеу.
№194 бөбекжай-балабақшасының басты мақсаты бала тәрбиесі, ұлттық мейрамдарды дәріптеу екеніне көзіміз жетіп, марқайып қайттық.
Осындай іс-шараны ұйымдастырып отырған балабақша ұжымына,
мектепалды «Жалын» тобы мен тәрбиешісі Серкбаева Динара Изтурганқызына алғыс білдіреміз! Баршаңызға бейбітшілік, амандық, және еліміз үшін қызмет етуде табыс тілеймін! Республика күні құтты болсын!
BILIM AINASY
Елназ Тұрсынғалиқызы
