Шағын жазба – шағын уақыт

С.А Меңдібаева
Қ.Е.Қасымова
А.С.Ыбраш
Г.Ш.Жанаева
Нұр-Сұлтан қаласы , Назарбаев Зияткерлік мектебі

Қазақ әдебиеті сабақтарында шығармашылық  жұмыс мақсатын жүзеге асыруда, мұғалімдер білімі мен біліктілігінің әлеуетіне қарай тырысып жүмыс істеуде. Бұл  — төменгі сыныптардан бастап, шағын ертегі, өлең шығару, ойтолғау жазу сияқты тапсырмаларды береді. Бұл – өте құптарлық іс. Мұғалім тапсырманы оқушыға бергенмен, бірнеше мәселе назарынан тыс қалады. Ол:

• бұл тапсырмалардың уақытша сипатта болуы
• шығармашылық жұмыстардың форма, жанрына қатысты алуантүрліліктің болмауы (төменгі сынып болса, ертегі жазу, жоғары сыныптарда ойтолғау жазу)
• Көзделген мақсаттың көмескі болуы
• жазылған жұмыстарға кері байланыстың берілмеуі
• жақсы жұмыстардың ары қарайғы дамуының болмауы.

Осы мәселелерді қалай шешуге болады? Жаңартылған оқу бағдарламасында оқушының қиялын дамыту, шығармашылығын ұштау қалай көрініс тапқан?