Қоян

Сыздыкова Алма  Набиамановна
Астана қаласы әкімдігі
№62 «Нұрсәуле» балабақшасы тәрбиеші

Мақсаты:Балаларға қоян туралы түсінік беру.

Қоянның дене мүшелерін айту. Балалардың сөздік қорларын молайту, есте сақтау қабілеттерін дамыту, сұрақтарға толық жауап беруге дағдыландыру.    2-3 сөзден тұратын сөйлем құрастыру. Ойын арқылы балалардың қимыл-қозғалыс белсенділіктерін арттыру. Жануарларға деген сүйіспеншілікке тәрбиелеу.

Әдіс тәсілдері: әнгімелеу, сұрақ-жауап, ойын.

Көрнекілігі: суреттер, көкөністер.

Шаттық шеңбері:

Қуан шаттан алақай,

Қуанатын күн келді.

Күліп шықты күн бүгін,

Қайырлы таң,

Қайырлы күн!

Балалар, сендерді көргеніме өте қуаныштымын.

Тәрбиеші: Балалар, қазір жылдың қай мезгілі?

Балалар: — Көктем мезгілі.

Тәрбиеші: Көктем мезгілінде ауа-райында  қандай өзгерістер  болады?

Балалар: Күн жылынады, құстар ұшып келеді, ағаштар гүлдейді, жаңбыр

жауады.

Тәрбиеші: Жарайсыңдар, балалар!

Тосын сый: Қоянның қонаққа келуі.

Тәрбиеші: Есік қағылады. Балалар, есікті қағып тұрған кім екен? Бізге қонаққа Қоян келіпті.Бірақ қоян көңілсіз екен?

Тәрбиеші:Қоян сен неге көңілсізсің?

Қоян: Мен көжегіме сәбіз іздеп жүрмін.

Тәрбиеші:Балалар қоянға сәбізді тауып алуына көмектесеміз бе?

Балалар:Иа, көмектесеміз.

Ол үшін мына тапсырмаларды орындайық.

— Қоянды бәріміз білеміз бе?

Балалар: — Білеміз. Бұл қоян.

1-тапсырма.Қоянды сипаттау керек.

Тәрбиеші: Қоянның құлағы ұзын. Жүні жұмсақ, екі көзі, мұрны, аузы, кішкентай құйрығы, аяғы бар. Қоян секіреді.

— Қоян қалай секіреді? (секіріп көрсету).

— Жарайсыңдар.

Тәрбиеші: Қане балалар кім маған қоянның дене мүшелерін айтып береді?

Балалар: Мынау – Қоян. Қоянның екі көзі бар, екі құлағы бар, бір мұрны бар.

— Қоян туралы кім тақпақ айтып береді?

2-тапсырма Қоян туралы тақпақ айту.

1- бала:  Қоян, қоян  тұршы,

Беті  қолды жушы.

Шашыңды тарашы,

Айнаға қарашы.

2- бала:  Ақ қоян ау, ақ қоян,

Үркек қоян, сақ қоян.

Қаша берсең орманға,

Қорқағым деп ат қоям

Тәрбиеші: Ал енді, тілімізді жаттықтырып, сөздерді дұрыс айтуға үйренеміз.

-ян-ян-ян  қорқақ қоян.

— Балалар, қоянның баласын қалай атаймыз?  

Балалар: — көжек.

3-тапсырма.Қоян мен көжекті құрастыру.

Балалар мына жерде үлкен қоян мен кішкентай көжек бар.Осы қоян мен көжекті құрастырайық.

Құрастыру: «Қоян мен көжек».

Сергіту сәті:

Ұзын құлақ сұр қоян,

Естіп қалды сыбдырды.

Ойлы қырлы жерлермен,

Ытқып, ытқып секіреді.

Қарап еді артына,

Қиығын салып көзінің.

Келе жатқан томпаңдап,

Көжегі екен өзінің.

Тәрбиеші: Балалар қоян нені жегенді жақсы көреді?

Балалар: — Сәбізді.

4-тапсырма Ермексаздан сәбіз жасаймыз.

Сәбізді жасалу жолын көрсетіп, бірге жасаймыз.

Дидактикалық ойын: «Қоянға көмектес».

Мақсаты: Қоянға көкөністердің арасынан сәбізді теріп алып, себетке жинау.

Қоян балалар сендерге рахмет көжегіме жейтін көп сәбіз жасап бердіңдер рахмет сендерге. Менде сендерге құр қол келген жоқпын,сендерге көңілді смайликтер беремін.

Қорытынды.

-Балалар бізге қонаққа кім келді? (Қоян).

— Нені құрастырдық? (Үлкен қоян мен кіші көжекті).

Қоянға нені жинауға көмектестік? (Сәбізді).

Балаларды мадақтау.