Балалар күзде қонақта

Солдатхан Жібек Серуенқызы,
Астана қаласы әкімдігі
№62 «Нұрсауле» балабақшасы
кіші «Қарлығаш » тобының тәрбиешісі

(Музыка залында әдемі әуен естіліп тұрады. Залдың ортасында Күз ханшайымы тұрады, балалар ойнап залға кіреді)

Күз: Амансыңдар ма, балалар! Маған кішкентай балапандар қонаққа келіпті, мен сондай қуаныштымын, қош келдіңдер балапандар!

Тәрбиеші: Балалар қараңдаршы күз мезгілі қандай әдемі, сендерді көріп қуанып жатыр. Күз ханшайымы біздің балалар ән шырқап береді.

Ән «Балапан»

(Балалар орындарына отырады)

Күз: Қандай керемет балалар, әнді жақсы айтады екенсіңдер.

(Музыка қосылады ортаға секіріп қоян шығады)

Қоян: Сәлем балалар, сендер сондай көңілдісіңдер, ал, менің көңіл-күйім жоқ.(мұңайып қалады)

Күз: Қоян саған не болды, кім ренжітті сені?

Қоян: Мені ешкім ренжіткен жоқ, қыс болса жақындап қалды, ал мен қысқы азығымды дайындамадым,

Тәрбиеші: Қоян сен уайымдама, біздің балалар қәзір саған сүйікті тамағың сәбізіңді тауып жинап береді. Балалар қоянға сәбіз жинап көмектесейікші.

Ойын «Сәбіз жинау»

Қоян: Рахмет балалар, сендер менің көңілімді көтердіңдер, қысқы азығымды дайындап бердіңдер, ризамын сендерге.

 Тәрбиеші: Балалар енді қоянмен бірге көңілді би билейік.

«Көңілді би»

(Музыка қосылады, қолында себеті бар кірпі жүгіріп келеді, сүрініп құлап қалады да қолындағы жемістерін шашып алады)

Кірпі: Ой-й-й мен недеген ебедейсізбін, сонша еңбегім босқа кетті, осы жемістерді күні бойы жинадым, енді міне шашып алдым (жылайды)

Күз: Кірпі жылама сен, балалар саған көмектеседі, жемістерді жинап береді.

Кірпі: Балалар сендер маған жемістерді жинап бересіңдерме?

Тәрбиеші: Әрине, жинап береміз. Келіңдер балалар жемістер жимнаймыз.

Ойын  «Алма жинау»

Кірпі: Рахмет сендерге балалар, мен сондай қуанып тұрмын, енді мен сендермен бірге ойнағым келіп тұр.

(Кенет күннің күркіреген дауысы естіледі)

Тәрбиеші: Балалар естимісіңдер, бұл ненің дауысы?

Балалар: Жаңбырдың дауысы

Күз: Ия, ия, бұл менің жаңбырымның дауысы, көңіл-күйім болмағанда жылап-жылап аламын, сол кезде жаңбыр болып жауамын.

Тәрбиеші: Ал, біздің балалар жаңбырдан қорықпайды, жаңбыр жаусада қйын ойнайды.

Кірпі Қоян бірге: Апай апай біз балалармен бірге «Қолшатыр» деген ойын ойнайықшы.

Тәрбиеші: Балалар кірпімен қоянмен ойын ойнайсыңдарма?

Балалар:  Ойнаймы.  (Ойын шарты түсіндіріледі, балалар ойын ойнайды)

Ойын «Қолшатыр»

Тәрбиеші: Енді біздің балалар «Жаңбыр» әнін айтып береді.

Ән: «Жаңбыр»

Күз: Балалар сендер әнді қандай жақсы айтасыңдар, маған өте қатты ұнады, рахмет сендерге.

Тәрбиеші: Күз ханшасы балалардың балабақшаға оралатын уақыты келді, біз сізбен енді қоштасамыз.

Күз : Балалар бүгінгі мереке маған сондай қатты ұнады, енді сендер менің биылғы жемісімнен дәм татыңдар. (Балаларға жемістер таратылады)

Балалар әрқашан астығымыз мол болсын, көп дәрумен жеп жүріңдер, ауырмаңдар,сау болыңдар балалар!.

Балалар: Сау болыңыз

Тәрбиеші: Құрметті қонақтар балалар бүгінгі біздің «Балалар күзде қонақта» атты ертеңгілігіміз аяқталды, бүлдіршіндеріміздің дені сау болып, әрбір отбасында береке, мереке, молшылық болсын. Ертеңгілікті көріп тамашалағандарыңызға көп-көп рахмет.

Ал, балалар, біз де тобымызға барайық. Мынау күздің сыйлықтары, бізге дәрумен берді, топқа барып бәріміз жейміз. Сау болыңыздар!