Күзгі жапырақтар

Байбутаева Алия Полатовна
Астана қаласы,  №52 «Еркетай» балабақшасы
«Балбөбек» ересек тобының тәрбиешісі

Бөлімі : жапсыру, қоршаған ортамен танысу

Мақсаты: күз туралы білімдерін дамыту, сөздік қорын молайту, қол моторикасын дамыту.

Күтілетін нәтиже

Күз мезгілі. Күз айларын білу

Тапсырмаларды орындай білу

Сабақтың көрнекілігі: күзге байланысты дидактикалық материалдар, сары, Қызғыл сары түсті қиылған губкалар, желім, қылқалам, дайын суреттегі жапырақсыз ағаш суреттері.

Тәрбиеші : Сәлеметсіңдер ме, балалалар!

Балалар амандасады. Шаттық шеңберіне тұрып

Арайлап таң атты,

Алтын сәуле таратты.

Жарқырайды қаламыз,

Жайнай түсті даламыз,

Қайырлы таң достарым ! деп амандасады.

Тәрбиеші: балалар қазір бізде қандай мезгіл ?

Балалар: Күз.

Тәрбиеші : Дұрыс айтасыңдар. Күз мезгілінде қандай өзгерістер бар ?

Балалар: ауа райы өзгереді, күн суытады. Жаңбыр жауып, шөптер мен жапырақтар сарғаяды. Құстар жылы жаққа ұшып кетеді.

Тәрбиеші : Дұрыс айтасыңдар.  күз мезгілінде неше ай бар

Балалар: күз мезгілінде үш ай бар. Қыркүйек, қазан, қараша.

Тәрбиеші : Жарайсыңдар балалар. Балалар мен сендерге тапсырмалар алдын ала дайындап алып келдім. Соны орындауға дайынсыңдар ма ?

Балалар:  Иә, деп жауап береді.

Тәрбиеші: Сендерге жұмбақ жасырамын, соны тауып көрейік !

Жиын терін болатын,

Қамбаға астық толатын
«Қызыл қырман» ойнайтын,
Қай мезгіл деп ойлайсың?  Жауабы күз
Балалар дұрыс жауап береді.

Тәрбиеші: Жарайсыңдар балалар! Екінші жұмбағым:

Көктемде көктеп шығады ағашқа,

Күзде сарғайып түседі жерге.

Бұл не?

Жапырақ  деп жауап береді.

Тәрбиеші : Жарайсыңдар балалар! Сендермен екінші тапсырманы орындамастан бұрын бір серігіп алайық.

Жапырағы ағаштың,

Күз келді деп тағы ұшты.

Айналады желменен

Жерге қонады жәйменен,

Атам оны сыпырды.

Сыбдыр сыбдыр етілді.

Сары жапырақ жиылды,

Таудай болып үйілді. (Балалар іс қимыл арқылы серігіп алады.)

Тәрбиеші: балалар сендердің алдарында ақ кағаздағы жапырақсыз ағашқа желіммен майда түрлі түсті губкаларды жапырақ сияқты жапыстырамыз.

Тәрбиеші алдымен өзі жасап баларға көрсетеді, жеке жұмыс жасайды. Содан соғ сергіту сәтін орындайды.

Тәрбиеші: Жел үрлейді у у у ,

Құйын кетіп билейді зу зу зу.

Қатты жел соқты гу гу гу,

Жапырақтар қол соқты ду ду ду .

Тәрбиеші балаларға «Жауын қандай?» ойынын ойнатады. Жаңбырдың жай жауған дауысын қосып, жаңбыр қалай жауды ? деп сұрайды. Балалар алақанмен жай соғады. Қатты жауған дауысқа қатты алақанмен шапалақ соғады. Нөсердің дыбысына алақанмен соғып, аяқпен топ топ басып іс әрекет жасайды.

Сұрақ-жауап арқылы балалардың күз туралы білімін қорытындылау